Halyqqa qyzmet kórsetý: Bir ǵana ótinish berip, birneshe qyzmetti birden alýǵa bolady
Jańa ózgerister «QR keıbir zańnamalyq aktilerine memlekettik qyzmetter kórsetý máseleleri boıynsha ózgerister men tolyqtyrýlar engizý týraly» Zańynda kórsetilgen.
«Memlekettik qyzmet kórsetý salasyndaǵy basty jańalyqtardyń biri – halyqqa qyzmet kórsetý ortalyqtarynyń «bir terezeden» «bir ótinish» qaǵıdatyna kóshýi. Bul «kompozıttik» qyzmet kórsetý tásili dep atalady. ıAǵnı azamattar bir ótinishpen birneshe ilespe qyzmetti keshendi túrde ala alady. Mysaly, múgedek balasy bar ata-analar balasyna medıtsınalyq qyzmet nemese memleketten beriletin dári-dármek alý úshin 6 túrli aryz jazady eken. Endigi ýaqytta onyń sany qysqaryp, bir ótinish arqyly birneshe qyzmetti bir mezette alý múmkindigi bar», - dedi depýtat QR Prezıdenti janyndaǵy Ortalyq kommýnıkatsııalar qyzmetinde ótken baspasóz máslıhatynda.
Onyń aıtýynsha, bul jańa tásil elimizdiń barlyq HQO-larynda pılottyq rejimde synaqtan ótken.
«Sondaı-aq, jańa ózgerister qatarynda memlekettik qyzmetterdi proaktıvti túrde kórsetý qarastyrylǵan. ıAǵnı, HQO azamattyń ótinish berýin kútpeı-aq, qyzmetterdi ózi usynady. Mysaly, sábı dúnıege kelgende ony esepke alý, týý týraly kýálik berý, balaǵa beriletin járdemaqyǵa ótinish jáne náresteni turǵylyqty mekenjaıy boıynsha tirkeý sekildi qyzmetter avtomatty túrde bir mezette usynylady. Bul qyzmet búginde 120 myń anaǵa kórsetildi», - dedi M. Aısına.
QR Tsıfrlyq damý, ınnovatsııalar jáne aeroǵarysh ónerkásibi mınıstrliginiń derekterine sáıkes, búginde elimizde 124 memlekettik qyzmet ońtaılandyryldy. Orta eseppen árbir memlekettik qyzmettiń kórsetilý merzimi 9 kúnge deıin qysqartyldy. Sonymen birge, 90-nan astam qujat qysqartylyp, 82 memlekettik qyzmet kompozıtti túrde berilmek.
Aıta keteıik, 2019 jyldyń 7 qarashasynda Parlament Senatynyń jalpy otyrysynda «Qazaqstan Respýblıkasynyń keıbir zańnamalyq aktilerine memlekettik qyzmetter kórsetý máseleleri boıynsha ózgerister men tolyqtyrýlar engizý týraly» Zańy qabyldandy. Zań jobasy Qazaqstan Respýblıkasynyń memlekettik kórsetiletin qyzmetter salasyndaǵy zańnamasyn jetildirý maqsatynda ázirlendi.