Halyqqa qajetti zańdar qabyldaımyz - Nurlan Nyǵmatýlın Joldaý týraly

NUR-SULTAN. QazAqparat - QR Parlamenti Májilisiniń tóraǵasy Nurlan Nyǵmatýlınniń Memleket basshysy Qasym-Jomart Toqaevtyń halyqqa Joldaýyna qatysty pikir bildirdi, dep habarlaıdy QazAqparat tilshisi.

«Memleket basshysy Qasym-Jomart Toqaev óz Joldaýynda Elbasymyz Nursultan Ábishuly Nazarbaevtyń saıasatyn jalǵastyra otyryp, Qazaqstanymyzdy odan ári damytýdyń negizgi maqsattaryn belgilep berdi. Olardyń barlyǵyn zań jaǵynan qoldaý úshin depýtattyq korpýstyń aldynda da jaýapty mindetter tur. Sol úshin sessııa barysynda, biz, óz ýaqytynda, halyqqa qajetti, sapaly zańdar qabyldaıtyn bolamyz», - dedi N. Nyǵmatýlın Májilistiń jalpy otyrysynda.

Májilis spıkeri osy jaýapty mindetti abyroımen atqarý úshin belsene iske kirisý qajettigin eske saldy.

«Ásirese, ekonomıkany jańǵyrtýǵa áleýmettik ahýaldy kúsheıtýge, bıýdjet jáne salyq júıesin jetildirýge, azamattardyń quqyqtary men bostandyqtaryn qorǵaýǵa, shaǵyn jáne orta bıznesti qoldaýǵa, ekologııalyq máselelerge basqa da suraqtarǵa erekshe kóńil bólinedi», - dedi N. Nyǵmatýlın.