Halyqqa alǵashqy kómek kórsetý tásilderin tájirıbe júzinde úıretýdi maqsat etip otyrmyz - QR Qyzyl jarty aı qoǵamynyń prezıdenti
14:00, 10 Qyrkúıek 2013
ALMATY. 10 qyrkúıek. QazAqparat - QR Qyzyl jarty aı qoǵamy jyl sońyna deıin Densaýlyq saqtaý mınıstrligine alǵashqy járdem kórsetýge jetekshilik etý jobasyn usynbaq. Bul týraly búgin Almatyda ótken jýrnalısterge arnalǵan alǵashqy járdem kórsetý boıynsha tájirıbelik semınarda aıtyldy.
«Biz qazir alǵashqy kómek kórsetýge jetekshilik etý jobasyn daıyndap jatyrmyz. Ol daıyn bolǵannan keıin Densaýlyq saqtaý mınıstrligimen kelisip, olardyń kelisimin alǵan soń halyqqa jedel járdem kórsetýdi keń kólemde úıretemiz. Bul jumystar qazir Almaty qalasynda ǵana júrgizilýde. Onda adamdardy jer silkinisi kezinde ózin qalaı ustaý kerek, zilzaladan keıin jáne oǵan deıin qalaı daıyndalý kerektigi týraly máseleler boıynsha semınar ótkizip, mektep oqýshylaryn, densaýlyq saqtaý qyzmetkerlerin jáne basqa da qoǵam múshelerin úıretip jatyrmyz», - deıdi QR Qyzyl jarty aı qoǵamynyń prezıdenti Erkebek Arǵymbaev. Onyń aıtýynsha, adamdar jaraqat alǵan jaǵdaıda medıtsınalyq kómek kelgenshe ózine-ózi jáne basqalarǵa da qalaı kómek kórsetý kerektigin jaqsy bilý kerek. Óıtkeni jaraqat alǵanda súıek synady, bulshyq et jyrtylady, qan aǵady. Eger alǵashqy 9 mınýt ishinde durys kómek kórsetilse, aýyr jaraqat alǵandardy 90 paıyzǵa deıin ajal aýzynan qutqaryp qalýǵa bolady.