Halyqqa aqshany ońdy-soldy taratý baǵanyń ósýine alyp keledi - ekonomıst

NUR-SULTAN. QazAqparat – Ulttyq qordyń jyldyq kirisiniń jartysyn «Otbasy bankine» aýdaryp otyrý kerek. Mundaı pikirdi «TALAP» ıýtýb-arnasynda ekonomıst Oljas Qudaıbergenov bildirdi, dep habarlaıdy QazAqparat tilshisi.

«Samuryq» («Samuryq-Qazyna» UÁQ) tolyqqandy korporatıvtik qurylymǵa aınalyp keledi. Kirisin arttyryp, dıvıdent tólep otyr. Bıýdjet tapshylyǵy tómendep, barlyq qajetti áleýmettik shyǵystar tolyqtaı qarjylandyrylyp jatyr. Ulttyq qorǵa qatysty aıtar bolsam, «Otbasy banki» bar. Ulttyq qordyń negizgi jınaqtalǵan aktıvterine tıisýdiń qajeti joq. Jyl saıynǵy syıaqysy bar. Mine, osy jyldyq syıaqynyń jartysyn, aıtalyq Ulttyq qor jylyna 2 mlrd dollar tabys tapsa, onyń 1 mlrd dollaryn jekelegen áleýmettik sanatty qoldaý úshin «Otbasy bankine» aýdarýǵa bolar edi. Sonda ol muqtaj jandarǵa kómek kórsetetin jınaqy qurylymǵa aınalady», - dedi ol.

Onyń atap ótýinshe, halyqqa aqshany ońdy-soldy taratý baǵanyń ósýine alyp keledi.