Halyqaralyq týrnırde qazaqstandyq boksshylar on «altyn» aldy

ASTANA. QazAqparat - Almaty qalasynda bokstan Saǵadat Nurmaǵambetovti eske alýǵa arnalǵan halyqaralyq týrnırde qazaqstandyqtar on «altyn» medal aldy, dep habarlaıdy QazAqparat tilshisi.

Halyqaralyq týrnırde Qazaqstan, Ózbekstan, Tájikstan, Qyrǵyzstan jáne Qytaıdan 177 boksshy keldi. Olar on úsh salmaq dárejesinde synǵa tústi.

El quramasynan on bylǵary qolap sheberi jeńis tuǵyryna kóterildi. Olardyń qatarynan Danııal Sábıt (51 keli), Damır Ábdiqadyr (54 keli), Orazbek Asylqulov (57 keli), Beıbarys Jeksen (60 keli), Sultan Mýsınov (63,5 keli), Dilmurat Mıjıtov (67 keli), Darhan Dúısebaı (71 keli), Aıatýlla Tákijanov (75 keli), Erasyl Jakpekov (80 keli) jáne Shaımurat Qusaıynov (86 keli) bar.

Al Qytaı quramasynan Ashan Rezıbek (92 keli) pen Abýdýreshıtı Remýla (92 keliden joǵary) «altyn» aldy.

Taǵy bir «altyn» qyrǵyzstandyq Jenısh Ýlpatovqa (48 keli) buıyrdy.

Eske salsaq, budan buryn aralas jekpe-jek sheberi Álı Qabdýlla bedeldi promoýshnde nokaýtpen jeńiske jetti.