Halyqaralyq Túrki akademııasynyń resmı aqparattyq-tanymdyq portaly ashyldy
Túrki áleminiń ǵylymı jáne ıntellektýaldyq platformasyna aınalýdy kózdeıtin portalda Akademııanyń barsha jańalyqtary men jobalary týraly tolyq málimetter jaryq kóredi. Portal arqyly Túrki mýzeıi men túrkitaný salasy boıynsha mol kitap qory bar kitaphanamyzǵa vırtýaldy saıahat jasaý múmkindigi qarastyrylǵan, dep habarlaıdy Halyqaralyq Túrki akademııasynyń baspasóz qyzmeti.
Sonymen qatar, tamyry bir Túrki ulystarynyń tynys-tirshiliginen ǵylymı-tanymdyq derekter udaıy jarııalanady.
Aıta ketý kerek, Túrkııanyń Bodrým qalasynda 2014 jylǵy 5 maýsymda ótken Túrki Keńesiniń ІV Sammıtinde Qazaqstan Respýblıkasynyń Prezıdenti Nursultan Nazarbaev túrki áleminiń ortaq aqparattyq keńistigin qalyptastyrý jóninde bastama kótergen bolatyn. Osy rette, «Aqparat jáne medıa salasyndaǵy yntymaqtastyq» taqyrybymen ótetin Túrki keńesiniń V Sammıti qarsańynda Halyqaralyq Túrki akademııasy jańa ınternet-portal arqyly Memleket basshylary tapsyrmalaryn oryndaýǵa óz úlesin qosyp otyr.