Halyqaralyq Túrki akademııasy Abaı Qunanbaıuly men Shoqan Ýálıhanovqa arnalǵan aýqymdy sharalar ótkizbek
«Kelesi jyly Shoqan Ýálıhanovtyń 180 jyldyǵy, Abaı Qunanbaıulynyń 170 jyldyǵy, sondaı-aq Mustafa Shoqaıdyń 125 jyldyǵy kele jatyr. Halyqaralyq Túrki akademııasy osy turǵyrly tulǵalarǵa arnalǵan sharalar men jıyndardy uıymdastyrady»,- dedi Túrki akademııasynyń prezıdenti.
Sonymen qatar D. Qydyráli baýyrlas Ázerbaıjan halqynyń ǵana emes, búkil túrki jurtynyń maqtanyshy bolǵan Alıbek Hýseınzadeniń týǵanyna bıyl 150 jyl, Mamed Emın Rasýlzadeniń týǵanyna 130 jyl tolǵandyǵyn eske salyp ótti.
«Ismaıl Gaspyraly, Alıbek Hýseınzade, Mamed Emın Rasýlzade, qazaq halqynnyń birtýar uldary Turar Rusqulov jáne Sultanbek Qojanov syndy sanaly ǵumyrlaryn túrki álemine arnaǵan tuǵyrly tulǵalar búgingi jıynda basymyzdy qosýǵa arqaý bolyp otyr. Ózderińizge málim, bıyl ıÝNESKO Ismaıl Gaspralynyń dúnıeden ozǵanyna 100 tolýyna baılanysty osy jyldy bul tulǵaǵa arnap, jarııalaǵan bolatyn. Biz de túrki áleminiń muralaryn túgendeý úshin qurylǵan Halyqaralyq Túrki akademııasy osy maqsatta Ismaıl Gaspraly sekildi áıgili aǵartýshyny eske alý sharalaryn ótkizýdemiz»,-dedi ol.
Sóz sońynda D. Qydyráli Túrki akademııasy bıyl halyqaralyq mártebe alǵanyn, bul qujatty Ázerbaıjan, Túrkııa, Qyrǵyzstan, Qazaqstan elderi bekitkenin eske salyp ótti.
Sondyqtan alqaly jıynǵa Qazaqstanmen qatar, Ázerbaıjan, Qyrǵyzstan, Túrkııa, Ózbekstan, Reseı, AQSh, Mońǵolııa, Japonııa jáne basqa de elderdiń ǵalymdary, qoǵam qaıratkerleri men zııalylary qatysyp, túrki álemine ortaq tulǵalar týraly baıandamalar jasady.
Konferentsııanyń maqsaty - ısi túrkige ortaq, aǵartý salasynda óshpes iz qaldyrǵan, azattyq úshin kúresken, túrki halyqtarynyń birligin bekemdeý jolyna ómirlerin arnaǵan taý tulǵalardyń esimderin baýyrlas halyqtar men jas býynǵa nasıhattaý.