Halyqaralyq temirjol bıletterin arzan baǵamen satyp alýǵa múmkindik jasalady
16:45, 09 Jeltoqsan 2014
ASTANA. QazAqparat - Halyqaralyq temirjol bıletterin erte satyp alýshylarǵa «QTJ» 30 paıyz jeńildik jasaıtyn bolady. Bul týraly búgin baspasóz máslıhatynda «Jolaýshylar tasymaly» AQ Jedel jumys qyzmetiniń basshysy Jambyl Baıdeldınov málim etti.
Onyń aıtýynsha, mundaı múmkindik 2015 jyldan bastap qoljetimdi bolady.
«Biz búginde bıletterdiń baǵasyn ońtaılandyrý boıynsha jumystar atqarýdamyz. Birinshi kezde ol jeńildik jasaý tetikterine qatysty bolyp otyr. 2015 jyly 11 qańtardan bastap, halyqaralyq deńgeıdegi temirjol qatynastaryna 30 paıyzdyq jeńildik jasaý baǵdarlamalary jasalmaq. Eger jolaýshy aldyn ala satyp alsa, bılet baǵasy tómen bolady», - dedi J. Baıdeldınov.