Halyqaralyq sporttyq jarystardyń chempıondary men júldegerlerine aqshalaı kótermeleý tólemderiniń mólsherin bekitý týraly Úkimet qaýlysyna ózgeris engizildi
Aıta keteıik, 2016 jyly tamyzdyń 5-21 aralyǵynda Brazılııanyń Rıo-de-Janeıro qalasynda ótetin HHHІ jazǵy Olımpıada oıyndary qarsańynda bul qujat ózekti bolyp otyr. Eske sala ketsek, buǵan deıingi Olımpıadalarda «altyn» alǵan sportshy 205 myń AQSh dollary kóleminde, «kúmis» júldeger 150 myń AQSh dollaryn, «qola» júlde ıegeri 75 myń dollar kóleminde syıaqy alyp keldi. Sondaı-aq Olımpıada oıyndarynda 4,5 jáne 6 oryn alǵan sportshylar da aqshalaı syılyqqa ıe bolady.
QazAqparat qujattyń tolyq mátinin taratady.
«Halyqaralyq sporttyq jarystardyń tizbesin, halyqaralyq sporttyq jarystardyń chempıondary men júldegerlerine, sport túrleri boıynsha Qazaqstan Respýblıkasynyń qurama komandalarynyń (sport túrleri boıynsha ulttyq qurama komandalardyń) jattyqtyrýshylary men múshelerine aqshalaı kótermeleý tólemderiniń mólsherin jáne olardy tóleý qaǵıdalaryn bekitý týraly» Qazaqstan Respýblıkasy Úkimetiniń 2014 jylǵy 19 jeltoqsandaǵy № 1345 qaýlysyna ózgeris engizý týraly
Qazaqstan Respýblıkasy Úkimetiniń 2016 jylǵy «09» maýsymdaǵy № 342 qaýlysy
Qazaqstan Respýblıkasynyń Úkimeti QAÝLY ETEDІ:
1. «Halyqaralyq sporttyq jarystardyń tizbesin, halyqaralyq sporttyq jarystardyń chempıondary men júldegerlerine, sport túrleri boıynsha Qazaqstan Respýblıkasynyń qurama komandalarynyń (sport túrleri boıynsha ulttyq qurama komandalardyń) jattyqtyrýshylary men múshelerine aqshalaı kótermeleý tólemderiniń mólsherin jáne olardy tóleý qaǵıdalaryn bekitý týraly» Qazaqstan Respýblıkasy Úkimetiniń 2014 jylǵy 19 jeltoqsandaǵy № 1345 qaýlysyna (Qazaqstan Respýblıkasynyń PÚAJ-y, 2014 j., № 81, 703-qujat) mynadaı ózgeris engizilsin:
kórsetilgen qaýlymen bekitilgen Halyqaralyq sporttyq jarystardyń chempıondary men júldegerlerine, sport túrleri boıynsha Qazaqstan Respýblıkasynyń qurama komandalarynyń (sport túrleri boıynsha ulttyq qurama komandalardyń) jattyqtyrýshylary men múshelerine aqshalaı kótermeleýdi tóleý qaǵıdalarynda:
2-tarmaqtyń 4) tarmaqshasy mynadaı redaktsııada jazylsyn:
«4) sport túri boıynsha Qazaqstan Respýblıkasy qurama komandasynyń (sport túri boıynsha ulttyq qurama komandanyń) bas jattyqtyrýshysy - sport túri boıynsha Qazaqstan Respýblıkasynyń qurama komandasyna (sport túri boıynsha ulttyq qurama komandaǵa) basshylyq jasaýǵa, onyń daıarlyǵyna, qalyptastyrylýyna jáne álem chempıonattaryna, Olımpıada, Paralımpıada, Sýrdlımpıada oıyndaryna jáne basqa da halyqaralyq jarystarǵa qatysýyna jaýap beretin jattyqtyrýshy;».
2. Osy qaýly alǵashqy resmı jarııalanǵan kúninen bastap qoldanysqa engiziledi.
Qazaqstan Respýblıkasynyń Premer-Mınıstri K. Másimov