Halyqaralyq shyǵarmashylyq baıqaýda «QazAqparat» AQ qyzmetkerleri júldeli boldy

NUR-SULTAN. QazAqparat - QR Tuńǵysh Prezıdentiniń mýzeıinde Qazaqstan Respýblıkasynyń Táýelsizdik kúnine arnalǵan buqaralyq aqparat quraldary qyzmetkerleri arasynda ótkiziletin «Qazaqstan Táýelsizdigi jáne Elbasy» halyqaralyq shyǵarmashylyq baıqaýynyń qatysýshylaryn onlaın marapattaý saltanaty ótti, dep habarlaıdy QazAqparat.

«Qazaqstan Táýelsizdigi jáne Elbasy» baıqaýy 2016 jyldan bastap táýelsizdik jyldarynda elimizdiń qol jetkizgen jetistikteri men «Nazarbaev modelin», Elbasynyń ıdeıalary men bastamalaryn keńinen taratý maqsatynda ótkiziledi.

Saltanatty is-sharany «Qazaqstan Táýelsizdigi jáne Elbasy» baıqaýy bıyl 5-ret ótkizilip otyr. Osy jyldar ishinde bizge 2,5 myńnan astam shyǵarmashylyq jumys kelip tústi. Bul – Qazaqstannyń barlyq óńirindegi jýrnalısterdiń, sondaı-aq Ázerbaıjan, Germanııa, Rýmynııa, Reseı, Tájikstan, Túrkııa, Ózbekstan, Ýkraına jáne Japonııadan kelgen BAQ ókilderiniń materıaldary. Jýrnalısterdiń belsendiligi baıqaýdyń barlyq nomınatsııasynda baıqalady. «Gazetter men jýrnaldardaǵy úzdik maqala», «Úzdik televızııalyq materıal», «Úzdik radıomaterıal», «Ǵalamtor BAQ-ǵy úzdik jarııalanym», t.b. nomınatsııalarǵa bıyl 120-dan astam buqaralyq aqparat quraldarynan 540-tan astam jumys usynyldy. Memleketimizdiń táýelsizdik jyldarynda qol jetkizgen jetistikterin, QR Tuńǵysh Prezıdenti – Elbasy Nursultan Nazarbaevtyń ıdeıalary men bastamalarynyń mańyzdylyǵy men mánin ashatyn sapaly jumystardyń sany artqany bizdi qýantady. Baıqaýdyń uıymdastyrýshylary retinde konkýrsqa belsene qatysqan barsha Qazaqstan men shetel jýrnalısterine alǵysymyzdy bildiremiz. Sizderge jańa jarqyn jeńister men tabystar tileımiz!»,- dedi QR Tuńǵysh Prezıdenti – Elbasy kitaphanasynyń dırektory Ámirhan Rahymjanov.

«Sheteldik BAQ-taǵy úzdik jarııalanym» atalymy boıynsha júldeli oryndar: 1 oryn – Andreı Býzarov (EEconomistua.com portaly, Ýkraına), 2 oryn – Radý Magdın (European Business Review, Rýmynııa); 3 oryn – «Hýsh kўrdık» jobasynyń ujymy («MY5» telearnasy, Ózbekstan).

«Gazetter men jýrnaldardaǵy úzdik maqala» nomınatsııasy boıynsha jeńimpazdar: 1 oryn – Oksana Mıagkıh («Indýstrıalnaıa Karaganda» gazeti), 2 oryn – Aıbek Tasqalıev («Aqtóbe» gazeti), 3 oryn – Igor Prohorov («Kazahstanskaıa pravda» gazeti).

«Úzdik televızııalyq materıal» nomınatsııasy boıynsha: 1-oryn Aıgúl Júnisova («Habar» telearnasy), 2 oryn – «Eýrazııa» birinshi arnasynyń aqparattyq baǵdarlamalar dırektsııasynyń ujymy, 3-oryn Gúlnaz Kárimjanqyzy («Qazaqstan» RTRK, Atyraý q.).

«Úzdik radıomaterıal» nomınatsııasynda 1-oryndy Lázzat Tıyshbekqyzy («Shalqar» radıosy), 2-oryndy Gúlnaz Aıtqulova («Astana» radıosy), 3-oryndy Muhamedııar Rashaı (Qazaq radiosy) ıelendi.

«Ǵalamtor BAQ-ǵy úzdik jarııalanym» nomınatsııasy boıynsha 1-oryndy Qanat Mahambet (IInbusiness.kz AA), 2-oryndy Altynbek Qumyrzaquly («QazAqparat» AQ), 3-oryndy Oljas Beısenbaev («QazAqparat» AQ) aldy.