Halyqaralyq sertıfıkattar tizimi IELTS INDICATOR jáne Duolingo English Test-pen tolyqty
«2020 jyly magıstratýra men doktorantýranyń bilim baǵdarlamalary boıynsha oqýǵa túsý úshin shet tilin meńgergenin rastaıtyn halyqaralyq sertıfıkattardyń tizimi IELTS INDICATOR (Aılts Indıkator) jáne Duolingo English Test (Dýolıngo Inglısh Test) sertıfıkattarymen tolyqty . Atalǵan testiler arnaıy aqparattyq júıe arqyly tek elektrondy formatta tapsyrylady» delingen QR BǴM baspasóz qyzmetiniń málimetinde.
Magıstratýra úshin IELTS INDICATOR boıynsha shekti ball 6-dan kem emes, Duolingo English Test boıynsha – 95-ten kem emes. Doktorantýra úshin IELTS INDICATOR boıynsha shekti ball – 5,5-ten, al Duolingo English Test boıynsha – 85-ten kem emes.
«IELTS INDICATOR sertıfıkatynyń paıdalaný merzimi 2 jyldy quraıdy, al Duolingo English Test sertıfıkaty 1 jylǵa deıin jaramdy», - dep atalyp ótken vedomstvo habarlamasynda.
Aıta ketken jón, shet tilin meńgergendigin rastaıtyn sertıfıkat tek doktorantýra úshin mindetti bolyp tabylady. Magıstratýranyń bilim berý baǵdarlamalary boıynsha oqýǵa túsý úshin IELTS INDICATOR nemese Duolingo English Test halyqaralyq sertıfıkattaryn usynýǵa nemese keshendi testileý (KT) barysynda shet tilinen test tapsyrýǵa bolady.