Halyqaralyq sarapshylar: «Bolashaq» baǵdarlamasy - adamı kapıtaldy damytýǵa umtylatyn elderge arnalǵan model
Pensılvanııa ýnıversıteti jáne Nazarbaev Ýnıversıtetiniń zertteýshiler toby eki jyl boıy «Bolashaq» baǵdarlamasynyń iske asyrylýy týraly málimetterdi saraptamadan ótkizdi. Sarapshylar atalǵan joba óziniń joǵary bilim júıesin jetildirip jáne ınnovatsııalyq, dúnıejúzilik naryqta básekege qabiletti ekonomıkaǵa ótip kele jatqan el - Qazaqstandaǵy adam kapıtalyn damytýdyń tıimdi strategııasyna aınaldy degen qorytyndyǵa keldi.
Atap aıtqanda, Pensılvanııa Ýnıversıtetiniń professory, Joǵary bilim saıasaty ınstıtýty Dırektorlar keńesiniń múshesi Lora Pernanyń sózine qaraǵanda, «Bolashaq» baǵdarlamasy shetel tilderin biletinderdi yntalandyrý jáne jahandyq básekege qabilettilikti qoldaýǵa qajetti tehnıkalyq daǵdy men bilimdi qalyptastyrý jolymen adamı kapıtaldy damytýǵa kómektesedi.
Zertteýshiler 20 jyl ishindegi «Bolashaqtyń» basty jetistikteri qatarynda oǵan irikteý shartyna sáıkes keletin kez-kelgen úmitker úshin baǵdarlamanyń qoljetimdiligin atap ótti. Buǵan stıpendııa ıegerleri sanynyń jylyna 3 myńǵa deıin artýy, baǵdarlama týraly aqparatty taratý jáne irikteý sharttaryn standarttaý yqpal etti.
Sonymen qatar, shetel sarapshylary joǵary bilim júıesiniń jáne el ekonomıkasynyń qajettilikterin esepke alyp, atalǵan joba tetikterin ári qaraı jetildirý qajet ekenine senimdi. Atap aıtqanda, L.Perna stıpendıattardy bakalavrıat baǵdarlamasy boıynsha qosymsha oqytý da ınnovatsııalyq damýǵa kómektesedi dep sanaıdy. Sonymen qatar, baǵdarlamaǵa qatysýshylar kontıngenti áli de ár túrli: aýyldyq jerlerden baǵdarlamaǵa qatysýshylar úlesi - tómen, iri qalalardan qatysýshylar úlesi - joǵary.