Halyqaralyq reıtıng agenttigi ForteBank-tiń «B + / B» deńgeıin rastady
S&P agenttigi sarapshylarynyń pikirinshe, reıtıngilerdiń rastalýy banktiń kapıtaly men ótimdilik rezervi qazirgi álemdik ekonomıkalyq quldyraý kezinde, COVID-19 pandemııasynan jáne munaı baǵasynyń tómendeýinen týyndaǵan Qazaqstandaǵy qolaısyz jumys ortasynyń qysymyna tótep beretindigin baıqatady.
«ForteBank-tyń ótimdiligi turaqty dep esepteledi, bul onyń balansynda ótimdi aktıvterdiń kóp mólsherde ekenin kórsetedi. Sonymen qatar, ForteBank basshylyǵy jergilikti naryqty jaqsy biledi dep sanaımyz. Tıisinshe, bul basqarý tásilderi qolaısyz ekonomıkalyq jaǵdaıda da bankti basqarýǵa kómektesedi», - deıdi halyqaralyq uıymnyń ókilderi.
ForteBank basqarmasynyń tóraǵasy Gýram Andronıkashvılıdiń sózine qaraǵanda, qarjy mekemesiniń ujymy S&P sarapshylarynyń bankke degen senimderin kórsetip, banktiń reıtıngin qazirgi deńgeıde rastaǵanyna qýanyshty.
«Pandemııamen baılanysty quldyraı túsken naryqtyq jaǵdaılarǵa qaramastan, ForteBank joǵary tıimdilik pen oń qarjylyq jáne operatsııalyq nátıjelerdi saqtap keledi. Qarjylyq kórsetkishter bizdiń klıentterimizdiń bankke degen senimin aıǵaqtaıdy. Forte toby bizdiń klıentterimiz kúndelikti qoldanatyn jańa sandyq ónimder men qyzmetterdi jasaý úshin únemi izdenis ústinde bolady», - deıdi basqarma tóraǵasy.