Halyqaralyq poıyzdarǵa 55% jeńildik beriledi

ASTANA. QazAqparat - Qazaqstan Respýblıkasy, Qyrǵyz Respýblıkasy jáne Reseı Federatsııasy arasyndaǵy tikeleı halyqaralyq baǵyttar boıynsha 2017 jylǵy 19 qarashadan bastap satylymǵa shyǵarylatyn bıletterge jeńildikter qarastyrylǵan. Bul jeńildikter 2018 jyldyń 2 qańtary men 28 jeltoqsany aralyǵynda júretin poıyzdarǵa júredi.

Bul týraly QTJ baspasóz qyzmeti habarlaıdy.

Kýpe jáne uıyqtaıtyn vagondarǵa jolaýshy:

55% - jol júrý qujatyn poıyz júretin ýaqytqa deıingi 45-41 táýlik ishinde satyp alsa;

45% - jol júrý qujatyn poıyz júretin ýaqytqa deıingi 40-31 táýlik ishinde satyp alsa;

35% - jol júrý qujatyn poıyz júretin ýaqytqa deıingi 30-4 táýlik ishinde satyp alsa;

25% - jol júrý qujatyn poıyz júretin ýaqytqa deıingi 3-0 táýlik ishinde satyp alsa.

Platskart vagondarǵa:

45% - jol júrý qujatyn poıyz júretin ýaqytqa deıingi 45-41 táýlik ishinde satyp alsa;

35% - jol júrý qujatyn poıyz júretin ýaqytqa deıingi 40-31 táýlik ishinde satyp alsa;

25% - jol júrý qujatyn poıyz júretin ýaqytqa deıingi 30-4 táýlik ishinde satyp alsa;

15% - jol júrý qujatyn poıyz júretin ýaqytqa deıingi 3-0 táýlik ishinde satyp alsa.

Sondaı-aq 2017 jylǵy 19 qarashadan satylymǵa shyǵarylatyn, «Rohı ohanı Tochıkıston» (Tájikstan) MÝK-nyń 2018 jyldyń 2 qańtary men 28 jeltoqsany aralyǵynda júretin poıyzdarynyń bıletterine kelesi jeńildikter qarastyrylǵan:

58% jol júrý qujatyn poıyz júretin ýaqytqa deıingi 45-31 táýlik ishinde satyp alsa;

52% jol júrý qujatyn poıyz júretin ýaqytqa deıingi 30-21 táýlik ishinde satyp alsa;

46% jol júrý qujatyn poıyz júretin ýaqytqa deıingi 20-4 táýlik ishinde satyp alsa.