Halyqaralyq olımpıadalardyń 27 jeńimpazy 4,7 mln teńgeden aldy

NUR-SULTAN. QazAqparat – Oqý-aǵartý mınıstri Ashat Aımaǵambetov halyqaralyq olımpıada júldegeri bolǵan oqýshylardy marapattady, dep habarlaıdy QazAqparat.

«Bıyl daryndy balalarymyz 27 medal jeńip alyp, ótken jyldardaǵy rekordtaryn jańartty. Bıyl quttyqtaýdyń ózi de balalar, olardyń ata-analary jáne muǵalimder úshin erekshe qýanyshty boldy. Prezıdent Qasym-Jomart Toqaevtyń qoldaýynyń arqasynda 27 jeńimpazǵa 4,7 mln teńgege deıingi sertıfıkattar tabystadyq. Sondaı-aq oqýshylar UBT tapsyrmaı-aq qazaqstandyq JOO-da oqýǵa granttar aldy. Bul baǵyttaǵy jumystar áli de jalǵasyn tabady», - dep jazdy mınıstr jelide.

Mınıstrdiń aıtýynsha, bıyl tizimge 7 halyqaralyq olımpıada kirse, kelesi jyly ol taǵy 7 bedeldi halyqaralyq olımpıadamen tolyǵady.

Sondaı-aq júldeli oryn alǵan oqýshylardy daıyndaǵan ustazdar da birjolǵy aqshalaı tólem al, balalardyń ata-analaryna da alǵys hattar tabystaldy.

Foto: www.facebook.com/askhat.aimagambetov