Halyqaralyq olımpıadada júlde alǵan oqýshylardyń fotolary Aqtaý kóshelerinde ilindi
Joba, aımaqta balalardyń bilimge degen qushtarlyǵy men ǵylymǵa degen qyzyǵýshylyǵyn júldeger oqýshylardy tanymal etý arqyly yntalandyrý sharasy qolǵa alyndy.
«2015 jyly Bekjan Bekbolatuly degen oqýshymyz halyqaralyq ınformatıka olımpıadasynyń jeńimpazy bolyp edi. Ony qazir Gýgl kompanııasyna jumysqa shaqyrypty. Sol sııaqty daryndy oqýshylarymyz kóp. Bıyl Mańǵystaý oblysynyń 5 oqýshysy halyqaralyq deńgeıdegi olımpıadalardan júldeli oryndarǵa ıe boldy. Qazirgi tańda qalanyń ishindegi úlken bılbordtardan sol oqýshylardyń fotosyn kóre alasyzdar. Bul ata-ana úshin de, biz úshin de maqtanysh ári bizdiń bolashaǵymyz osyndaı jas jetkinshekter ekenine qýanasyń»- dedi «Daryn» qosymsha bilim berý ortalyǵynyń dırektory Nesibeli Qýatova.
Byltyrǵy oqý jylynda Norvegııada ótken oqýshylar arasyndaǵy 63-shi Halyqaralyq matematıkalyq olımpıadaǵa álemniń 104 elinen 600 výnderkınd bala jınaldy. Sonyń altaýy Qazaqstannan qatysqan. Atalǵan jarysta Aqtaý qalasyndaǵy «Bilim-Inovatsııa» lıtseı-ınternatynyń 11-synyp oqýshysy Ábý Ádilet qola medalǵa ıe boldy. Osy oqý ornynyń túlegi Sanjar Nurǵalıev Qytaıdyń Tıantszın qalasynda onlaın rejıminde ótken hımııa páninen halyqaralyq olımpıadada ekinshi oryn aldy.
Al qalǵan 3 oqýshy ıAkýtsk qalasynda ótken fızıka, hımııa jáne ınformatıka pánderi boıynsha «Týımaada» halyqaralyq Olımpıadasynan da júldeli oryndarǵa ıe boldy.