Halyqaralyq olımpıada jeńimpazdary JOO-ǵa tegin túse alady – mınıstr
«Daryndy balalardy qoldaý boıynsha bizde keshendi jumys júrip jatyr. Bıyl elimizde álemdegi eń bedeldi olımpıadalar boıynsha rekord ornady. Bizdiń oqýshylar pándik halyqaralyq olımpıadalardan 27 júlde alyp keldi. Bul balalar men olardy daıyndaǵan ustazdardyń eńbegi. Sonymen qatar ata-analardyń qoldaýynyń arqasynda osyndaı jetistikke jetip jatyr», - dedi Ashat Aımaǵambetov elordadaǵy №86 mektep-gımnazııada ótken alǵashqy qońyraý saltanatty sharasy barysynda.
Sondaı-aq, mınıstr halyqaralyq olımpıadalardan jeńispen oralyp, medal alyp kelgen oqýshylarǵa qarjylaı ústemaqy beriletini týraly aıtty.
«Taıaýda ǵana elimizdiń túkpir-túkirinen kelgen halyqaralyq olımpıadanyń bıylǵy jeńimpazdaryn qabyldap, olarǵa 4,7 mln-nyń sertıfıkatyn tabys ettim. Endi bul balalar UBT tapsyrmaı-aq, joǵary oqý oryndaryna túsýge múmkindik alyp otyr. Osylaısha bizdiń memleket daryndy balalarǵa qoldaý kórsetýde. Bul jumys jalǵasyn tabady», - deıdi ol.
Aıta ketsek, QR Oqý-aǵartý mınıstri Ashat Aımaǵambetov búgin elordadaǵy M. Áýezov atyndaǵy №86 mektep-gımnazııasynda jańa oqý jylyna oraı ótken saltanatty sharaǵa qatysty.
QR Oqý-aǵartý mınıstrliginiń málimetinshe, 2022-2023 oqý jylynda elimizde 3,6 mln bala 7 637 mektepte bilim alady.