Halyqaralyq Olımpıada komıteti úzdik bapkerlerdi anyqtaıdy

ASTANA. QazAqparat - Halyqaralyq Olımpıada komıteti bapkerlik qyzmettegi úzdik jetistikteri úshin beriletin jyl saıynǵy HOK júldesine qujattar qabyldaýdy bastady, dep habarlaıdy QazAqparat tilshisi.

«Olımpıada 2020 habarlamasynyń 18-shi usynymyna sáıkes, HOK sportshylardy kásibı alańda jáne sporttan tys ýaqytta qoldaý baǵytynda jańa qadamdar jasady. Atalǵan júlde bapkerlerdiń sportshy ómirindegi mańyzyn uǵyndyryp, olardyń Olımpıadashylar ómiri men Olımpıadalyq qozǵalysqa sińirgen eńbegin baǵalaý maqsatynda uıymdastyrylyp otyr», - dep dep málimdedi QR UOK.

Úmitkerler qataryna qysqy jáne jazǵy sport túrlerinen bapkerlik qyzmetti atqaryp júrgen jattyqtyrýshylar da, zeınetkerlikke shyqqan bapkerler de qosyla alady. Olarǵa qoıylatyn jalǵyz talap - úmitker kem degende bir Olımpıada oıyndaryna bapker retinde qatysýy tıis.

Ótinim 2018 jyldyń 12 tamyzyna deıin qabyldanady. Júlde 2018 jyldyń 5-6 qazanynda Argentınanyń Býenos-Aıres qalasynda ótetin Jasóspirimder arasyndaǵy Jazǵy Olımpıada oıyndarynda bir áıel jáne bir er bapkerge tabystalady.

Aıta ketelik, HOK Júldesin alǵash bolyp bapkerlik qyzmettegi joǵary jetistikteri úshin sýda júzýden jattyqtyrýshy Djon Ýrbanchek pen sınhrondy júzýden japonııalyq bapker Kaneko Masako ıelengen.