«Halyqaralyq kórme nysandary belgilengen merziminde ári sapaly salynyp bitýi tıis» - baspasózge sholý

ASTANA. QazAqparat - «QazAqparat» halyqaralyq aqparattyq agenttigi 4 shilde, juma kúni respýblıkalyq buqaralyq aqparat quraldarynda jaryq kórgen ózekti materıaldarǵa sholýdy usynady.

*** Keshe Prezıdent Nursultan Nazarbaev Astana qalasynyń jańa nysandaryn kórý barysynda «Astana EKSPO-2017» kórme kesheniniń qurylysymen tanysty, dep jazady "Egemen Qazqstan" basylymy "Halyqaralyq kórme nysandary belgilengen merziminde ári sapaly salynyp bitýi tıis" atty maqalada. "EKSPO-2017 halyqaralyq mamandandyrylǵan kórmesiniń pavılondarynyń negizgi qu­ry­lymdaryn salý 2015 jyldyń qazan aıyna qaraı aıaqtalady, dep atap ótti T.Ermegııaev. 2015 jyldyń qazan aıynda pa­vılondar ishindegi árleý ju­mys­tary bastalmaq. Al orta­lyq kórme pavılonyna qa­tys­­ty árleý jumystary 2016 jyl­­dyń jeltoqsanynda, al keler jyl­dyń qazanynda halyq­aralyq pavılondardyń negizgi qu­rylymdary qurylysynyń aıaqtalatyndyǵyn jetkizdi. Sonymen qatar, EKSPO-qala­shyqtyń «nóldik kezeńin» qu­ry­lysshylar kesteden erte aıaq­taýdy josparlap otyr", - delingen materıalda. *** Qazaqstanda ınnovatsııalyq dúmpý boldy. Kúni keshe uıymdastyrylǵan «Indýstrııalandyrý kúninde» Prezıdent Nursultan Nazarbaev tikeleı «telekópir» arqyly elimizdiń ár óńirinde 20-dan astam joǵary tehnologııaly nysandy iske qosty. Bul týraly "Aıqyn" basylymy habarlaýda. "Olardyń kóbi Qazaqstanda buryn-sońdy bolmaǵan jańa ónim túrlerin shyǵarýǵa kirisip otyr. Al tyńnan túzilip jatqan ınnovatsııalyq sektorlar uzaq merzimdi perspektıvada ornyqty ekonomıkanyń berik negizin qalap, onyń ósiminiń jańa kózderin ashady. Árıne, ınnovatsııalyq damýda Qazaq­stan kemeldikke jetti dep aıtý qıyn. Elimiz ázirge osy joldyń basynda tur" - delingen "Álemdik ınnovatsııalyq qozǵalys kóshindegi Qazaqstan" dep atalatyn maqalada. TMD kóleminde erkin ekonomıkalyq aımaq jumys istegeni belgili. Onyń basty tiregi jáne uıytqysy Eýrazııalyq ekonomıkalyq odaqty qurýshy Qazaqstan, Belarýs jáne Reseı Federatsııasy bolatyn. Búginde sol aımaqtan Ýkraınany shyǵarý ne shyǵarmaý jóninde qyzý talqylaýlar júrýde. "Aıqyn" gazeti "Erkin ekonomıkalyq aımaq buzylady ma?" atty materıalynda osy taqyryptyń basyn ashyp, máseleniń túp-tórkinine úńilip kórýge tyrysady. "Taıaýda Ýkraına Eýroodaqpen assotsıatsııalyq birigýdiń ekono­mıkalyq shartyna qol qoıdy. Ol Eýroodaqtyń taýarlary bul mem­leketke esh kedergisiz, salyqsyz ene­di degen sóz. Osyǵan baılanys­ty Reseı Federatsııasynyń bıligi «er­kin ekonomıkalyq aımaqqa Ýkraına taýarlarynyń enýine tos­qaýyl qoıylady, sebebi olar Eý­ro­odaqtan arzanǵa alǵan taýarlaryn satyp, Eýroodaqpen tektes taýar­lardy ımporttaý shartyna qol qoı­ǵan jáne sol arqyly jumys istep jatqan reseılik kásipkerlerdi tyǵyryqqa tireıdi» dep otyr. Biraq erkin ekonomıkalyq aımaq qurýshy qalǵan eki memleket Bela­rýs pen Qazaqstan Eýrazııalyq odaq boıynsha Reseıdiń bul oıyn quptamady", - delingen maqalada. *** Qaraǵandyda jemqorlyqqa qatysty ý-shý bastalǵaly otyr, onyk basty "keıipkeri" retinde burynǵy qala ákimi Meıram Smaǵulovtyń basy daýǵa ilikpek. 24 maýsymda sheneýnik óz erkimen laýazymynan ketkeni esimizde. Biraq keshe belgili bolǵanyndaı, Qaraǵandy oblysynyń qarjy polıtsııasy departamenti oǵan qatysty qylmystyq is qozǵady. Tolyǵyraq "Ekspress K" basylymynyń "Akımý vystavılı schet" atty maqalasynan oqı alasyzdar.