Halyqaralyq kórme qarsańynda OQO-da etnoaýyl ashyldy
Qaraqońyr aýyl okrýgine qarasty Bestorańǵyl eldimekeninde turatyn jeke kásipker Almas Syzdyqbekov elimiz boıynsha alǵashqylardyń biri bolyp, etnoaýyldyń irgesin qalady. Ol qazaq halqynyń salt- dástúri men ádet-ǵurpyn pash etetin aýyldy ashty. Saltanatty sharaǵa aýdan ákimi Erlan Aıtahanov pen AQSh, Sıngapýr, Polsha, Frantsııa, Germanııa sııaqty álemniń 20 elinen aýdanǵa saıahattaı kelgen azamattar da qatysty.
Etno aýyldyń ashylý rásimi qazaq halqynyń saltyna saı ótti. Onda sáıgúlikterge mingen qos jarshy mártebeli meımandardyń etnoaýylǵa kelgenderin habarlap, súıinshi suraǵan balalar erekshe shattandy. Jańa túsken kelinniń beti ashylyp, barsha jurtqa sálem saldy. Úlkenderdiń batasynan soń jastar qara jorǵa bıine bılep, ashyq aspan astynda altybaqan tepti.
Etnoaýyldaǵy salt - dástúr rásimderi ulttyq sport oıyndaryna, qolóner sheberleriniń kórmesine ulasty. «Alash» etnoaýylynyń kózdegeni kóp. Aldaǵy ýaqytta talaı qonaqty qondyryp, halqymyzdyń saltyn saqtap, dástúrin dáriptemekshi. Bul, Elbasy ekshegendeı tamyrǵa úńilip, tarıhqa taǵylym etýdiń, ulttyq rýhty jańǵyrtýdyń eń tartymdy, taǵylymdy joly bolmaq.