Halyqaralyq kommýnıkatsııa mamany astanalyq stýdentterge dáris oqydy
«Aldymen osy sharany uıymdastyrýshylarǵa alǵys aıtamyn. Qazaqstanda kezekti ret bolǵanyma qýanyshtymyn. Meniń Qazaqstanmen jumys tájirıbem bar. Osy kúnge deıin Úkimetten bastap, saıası jaǵdaıǵa deıin kóp nárseniń ózgergenin aıtqym keledi. Oń ózgeristerdiń baryn kórip otyrmyn. Eger Qazaqstannyń 2014 jylǵy jaǵdaıyn qazirgimen salystyrar bolsaq, aıtarlyqtaı ózgerister baıqalady. Árıne, ol oń ózgerister. Men búgingi lektsııada kún tártibindegi mańyzdy jaıttar men aqparatty qalaı jetkizý kerektigi týraly aıtamyn. Eger elde saıası ózgerister nemese refomarlar oryn alsa, ony halyqqa durystap jetkizý qajet. ıAǵnı eldegi saıası ózgeristerdi qarapaıym halyqqa durys jetkizbeı, azamattardyń onyń mánin túsinbese atalǵan ózgerister oń nátıje bermeıdi», - dedi Charlz Maklın BAQ ókilderine bergen suhbatynda.
Sheteldik meımannyń málimdeýinshe, Qazaqstan qoǵammen keri baılanys quraldaryn keńinen qoldanady. Onyń ishinde áleýmettik jeliler de bar.
«Jańa dúnıeni kópshilikke jetkizgende, ony nasıhat túrinde emes, aqparattandyrý, qulaǵdar etý maqsatynda jumys isteý kerek. Ol úshin aqparatty jetkizýdiń durys quralyn qoldaný qajet. Adamdar jańa ózgeristerge qatysty túsinigi bolǵan kezde ǵana, ony ári qaraı oń qabyldaıdy. Mysaly, maǵan «Jibek Joly» telearnasyndaǵy jańa ózgerister unaıdy. Jalpy televıdenıege degen túsinigimizdi tolyqtaı ózgertken durys», - deıdi ol.
M.Nárikbaev atyndaǵy KAZGıÝÝ ýnıversıteti uıymdastyrǵan sharaǵa stýdentter men basqa da tyńdaýshylar qatysty.
«Bizdiń ýnıversıtet jýyrda qoǵamdyq lektsııa uıymdastyrýdy qolǵa aldy. Búgingi lektor Charlz Maklın sharanyń besinshi qonaǵy. Buǵan deıin bizde qonaqta elimizdiń oqý-aǵartý mınıstri Ashat Aımaǵambetov, tanymal ekonomıst Oljas Qudaıbergenov taǵy sol sııaqty belgili tulǵalar boldy. Jalpy álemge keńinen tanymal ýnıversıtetterde sala spıkerleriniń qatysýymen ashyq qoǵamdyq lektsııalar uıymdastyrý tájirıbesi bar. Biz de ýnıversıtetimizde sol jobany engizdik. Atalǵan lektsııalarǵa kez kelgen qatysyp ózine keregin ala alady. Qoǵamdyq lektsııalar ár juma saıyn ótip turady», - dedi M. Nárikbaev atyndaǵy qazaq memlekettik zań ýnıversıteti rektorynyń orynbasary Erbolat Muhamedjan.
Onyń aıtýynsha, qoǵamdyq lektsııa taqyryptarynyń deni bilim-ǵylym, ekonomıka jáne halyqaralyq qarym-qatynaspen baılanysty.
«Búgingi qonaǵymyz Charlz Maklın elimizdiń Ortalyq kommýnıkatsııalar qyzmetiniń aıaqtan turýyna úles qosyp, birqatar ıdeıa avtory. Sondaı-aq, bul kisiniń jalpy kommýnıkatsııa salasynda eńbegi aıtarlyqtaı. Búgingi lektsııa tyńdaýshylardyń kóńilinen shyǵady degen úmittemiz», - deıdi ol.