Halyqaralyq qaýymdastyq saılaýdyń ádil ótýin qalaıdy - amerıkalyq sarapshylar

VAShINGTON. QazAqparat – Eldegi demokratııalyq ózgeristerdi únemi baqylap otyratyn amerıkalyq sarapshylar Qazaqstanda júrgizilip jatqan reformalarǵa qatysty pikir bildirdi, dep habarlaıdy QazAqparat tilshisi.

Evgenıı Chaýsovskıı

«New Lines Institute for Strategy & Policy» oqytý jáne taldaý ónimderi baǵdarlamasynyń aǵa taldaýshysy jáne basshysy Evgenıı Chaýsovskıı Prezıdent Qasym-Jomart Toqaevtyń naýryz aıynda kezekten tys parlamenttik saılaý ótkizý týraly sheshimin qaıta saıası qurylymdaý protsesiniń jalǵasy retinde qarastyrýǵa bolatynyn atap ótti. Byltyrǵy konstıtýtsııalyq reformalar men kezekten tys prezıdent saılaýynan keıin kezekten tys parlament saılaýyn ótkizý týraly sheshim qabyldanatyny kútilgen edi. Sarapshynyń pikirinshe, bul bastama Prezıdent Qasym-Jomart Toqaevtyń ishki jáne syrtqy saıasatty syndarly damý jolyna túsirýge baǵyttalǵan keń aýqymdy ózgerister protsesiniń sońǵysy.

Ýaılder Alehandro Sanches

«Second Floor Strategies» konsaltıngtik fırmasynyń prezıdenti Alehandro Sanches jańa saılaý kúni kezdeısoq tańdalmaǵanyn atap ótti. Onyń aıtýynsha, 2019 jyldyń 19 naýryzynda burynǵy prezıdent Nursultan Nazarbaev otstavkaǵa ketetin bolatyn.

«Qazaqstandyqtar men halyqaralyq qoǵamdastyq, onyń ishinde Vashıngton ádil ári ashyq saılaý bolǵanyn qalaıdy. Bul Qazaqstannyń oppozıtsııalyq partııalary jańa zań shyǵarýshy organda ókildik etý múmkindigine ıe bolýy tıis degendi bildiredi», - dep atap ótti Ýaılder Alehandro Sanches.

Amerıkalyq sarapshynyń pikirinshe, Prezıdent Qasym-Jomart Toqaevtyń tómengi palatany taratyp, jańa saılaý kúni retinde 19 naýryzdy tańdaýy eki maqsatty kózdeıdi. Birinshisi – qazirgi Úkimettiń burynǵy Úkimettiń jalǵasy emestigin jáne onyń yqpalynda bolmaıtynyn dáleldeý. Ekinshi maqsat – Qazaqstan halqyna Qasym-Jomart Toqaevtyń prezıdenttigi kezinde memlekettik basqarý men saıası ókildiktiń utymdy jumys isteıtinin kórsetý.

«Qazaqstan Prezıdenti turǵyndardyń talap-tilekterin tyńdaıtyn «estıtin memleket» qurýǵa ýáde berdi. Qazaqstandyqtar ózderiniń kózqarasy qurmetteletin jáne eskeriletin elde turýǵa laıyq», - dep túıindedi Ýaılder Alehandro Sanches.

Eske sala keteıik, QR Parlamenti Májilisi depýtattarynyń kezekten tys saılaýy 19 naýryzda ótedi.

Rústem Qojybaev