Halyqaralyq izdeý jarııalanǵan eks-basshy 46 mln teńge zalaldy ótedi

NUR-SULTAN. QazAqparat – 4 jyldan astam ýaqyt izdeýde júrgen «QazSýShar» RMK Aqmola fılıaly dırektorynyń orynbasary urlanǵan bıýdjet qarajatyn 46 mln teńgeden astam somasyn ótegen. Bul týraly Antikor News jobasynyń tikeleı efırinde aıtyldy, dep habarlaıdy QazAqparat tilshisi.

«4 jyldan astam ýaqyt izdeýde júrgen «QazSýShar» RMK Aqmola fılıaly dırektorynyń orynbasary urlanǵan bıýdjet qarajatyn 46 mln. teńgeden astam somaǵa ótedi. Aqmola oblysy boıynsha Sybaılas jemqorlyqqa qarsy qyzmet buǵan deıin QR AShM «QazSýShar» RMK birqatar laýazymdy tulǵalaryna qatysty sotqa deıingi tergeýdi aıaqtady», - deıdi Agenttiktiń asa mańyzdy ister jónindegi tergeýshisi Danııar Bıǵaıdarov.

Onyń aıtýynsha, RMK Aqmola fılıaly dırektorynyń orynbasary Amerıka Qurama Shtattarynyń aýmaǵynda sotqa deıingi tergeý organynan jasyrynyp, halyqaralyq izdeý jarııalanǵan.

«Sybaılas jemqorlyqqa qarsy qyzmet qyzmetkerleriniń izdestirilýshi týystarymen júrgizgen túsindirý jumystarynyń nátıjesinde 2020 jylǵy 21 tamyzda 46 187 614 teńge somasyndaǵy zalal tolyq kólemde óteldi jáne ol Qazaqstan Respýblıkasyna óz erkimen kelýge daıyn ekendigin bildirdi», - deıdi ol.