Halyqaralyq ınvestorlar aptalyǵy: ıslamdyq qarjylandyrýdyń ereksheligi nede

QARAǴANDY. QazAqparat – Qaraǵandy da ótken Halyqaralyq ınvestorlar aptalyǵynda ıslamdyq qarjylandyrýdyń múmkindikter men áleýetine qatysty máseleler talqylandy, dep habarlaıdy QazAqparat.

Sarapshylardyń pikirinshe, Qazaqstanda ıslamdyq qarjylandyrý máselelerine zor kóńil bólingen. Sonymen qatar, elimiz ıslamdyq qarjylandyrý salasynda úlken áleýetke ıe.

Islam bankıngi jónindegi belgili sarapshy, ekonomıka ǵylymdarynyń professory, doktor Mohammed Cheıker TMD elderiniń qarjy naryǵynda Qazaqstannyń róliniń zor ekenin jáne bul elge ıslam bank júıesi arqyly jańa qarjylyq qyzmetterdi júzege asyrýda pıoner bolýdyń múmkindigi bar ekenin atap ótti.

Sarapshynyń pikirinshe, Qazaqstandaǵy ıslam bankteri salaýatty básekelestikti damytý úshin de qajet.

2009 jylǵy 12 aqpandaǵy № 133-IV Qazaqstan Respýblıkasynyń Zańymen «Qazaqstan Respýblıkasyndaǵy bankter jáne bank qyzmeti týraly» 1995 jylǵy 31 tamyzdaǵy № 2444 Qazaqstan Respýblıkasynyń Zańy jańa taraýmen tolyqty. Onyń normalary Qazaqstanda ıslam qarjy ınstıtýttaryn qurý jáne olardyń qyzmeti men qazaqstandyq ekonomıkany qýatty qarjylandyrý úshin múmkindikter ashady.

Islam qarjysy – Qazaqstandaǵy belgili bir ınfraqurylymdy talap etetin baǵyt. Ol eń aldymen halyq arasynda keńinen nasıhattaýdy qajet etip otyr. Sondaı-aq AHQO janyndaǵy úzdiksiz bilim berý bıýrosymen aınalysatyn adam resýrstaryn turaqty damytý kerek. Qazaqstandaǵy ıslam bankteriniń tabysty damýy úshin AHQO-da barlyq jaǵdaı jasalǵan. Ortalyqta dástúrli aǵylshyn quqyǵy qoldanylady, oǵan búkil álem boıynsha kóptegen ınvestorlar senedi, bul Qazaqstandy ınvestorlar úshin óte qyzyqty etedi. AHQO-da kóptegen kompanııalar kotatsııalanatyn jáne sýkýk-ıslamdyq oblıgatsııalar shyǵaratyn óz bırjasy bar.

«Islam baǵaly qaǵazdary kádimgi baǵaly qaǵazdar bolyp tabylady. Biraq onyń aıyrmashylyǵy ádeptilikti ustanýynda. Aktıvi 500 000 AQSh dollary bolatyn eń tómengi shektegi kez kelgen kompanııa bizdiń bırjada sýkýk shyǵara alady. Qarapaıym qarjy júıesi ǵana emes, kompanııalarǵa tek bank pen qarapaıym oblıgatsııalarǵa ǵana emes, sonymen qatar olardyń balama nusqasynyń bolýyna múmkindik beretin taǵy bir júıe bolýy tıis. Ol suranys pen qyzyǵýshylyq, ınvestorlardyń pýlyna baılanysty bolady», - dep túsindirdi ıslam qarjy jáne bıznes jónindegi Hab ókili Shyńǵyshan Igbaev.

Sýkýk – sharıǵatty ustanatyn elderde taralǵan qarjylyq qujat, oblıgatsııalardyń ıslamdyq balamasy. Sharıǵat ósimqorlyqqa tyıym salýyna baılanysty ıslam elderinde dástúrli oblıgatsııalarǵa jol berilmeıdi.

Sýkýk qarjylandyrylatyn is-sharanyń paıdasy esebinen kepilsiz tabysty qamtamasyz etedi, ıaǵnı maqsatty bolyp tabylady.