Halyqaralyq ǵarysh stansasynyń ekıpajy Qazaqstan jerine qondy

ASTANA. 14 mamyr. QazAqparat - Seısenbi, 14 mamyr kúni tańsáride úsh ǵaryshkeri bar «Soıýz TMA-07M» basqarylatyn kólik kemesiniń kapsýlasy Qazaqstan jerine sátti qondy.

Bul týraly «Soıýzdyń» jerge oralýyn tikeleı translıatsııa arqyly kórsetken NASA agenttigine silteme jasap, RBK málimdedi.

Josparlanǵandaı, kemeniń jerge qonatyn apparaty 14 mamyr kúni máskeý ýaqyty boıynsha 06:31-de Jezqazǵan qalasynyń ońtústik-batysyna qaraı 147 shaqyrym jerde qondy.

Buǵan deıin Ushýdy basqarý ortalyǵynda «Soıýz TMA-07M» kemesi máskeý ýaqytymen 03:38-de Halyqaralyq ǵarysh stansasynan ajyraǵanyn habarlaǵan bolatyn.