Halyqaralyq ǵarysh stansasynyń bortynda fýtbol oınaldy
11:53, 12 Maýsym 2014
ASTANA. QazAqparat - HǴS ekıpajy fýtboldan álem chempıonatynyń qatysýshylaryna vıdeoúndeý jazyp jibergen. Vıdeoǵa ǵarysh stansasynyń ishindegi fýtbol oıynynan úzindi túsip qalǵan, dep habarlaıdy ITAR-TASS.
Halyqaralyq ǵarysh stansasynyń ekıpaj komandıri amerıkandyq astronavt Stıven Svonson, astronavt Rıd Vaızman men eýropalyq ǵarysh agenttiginiń astronavty Aleksandr Gerst 12 maýsym kúni Brazılııada bastalatyn fýtboldan álem chempıonatyn qyzyǵa baqylaıtyndaryn jetkizdi. Olar arnaıy vıdeoúndeý jazyp, onda týrnırdiń barlyq qatysýshylaryna sáttilik tiledi. HǴS ekıpajynyń úndeýinde: «Biz barlyq komandalar men olardyń jankúıerlerine Brazılııadaǵy chempıonat jaqsy ótsin dep tileımiz. Myqtylar jeńsin! Sáttilik!», - dep aq tilekterin bildirdi ǵaryshkerler.