Halyqaralyq ǵarysh stansasy orbıtasynyń bıiktigi 2 shaqyrymǵa ulǵaıtyldy

ASTANA. QazAqparat - «Progress M-21M» kólik kemesi stansasyna tirkelgen qozǵaltqyshtyń kómegimen Halyqaralyq ǵarysh stansasynyń bıiktigi 2 shaqyrymǵa ulǵaıtyldy. Bul jaıynda Reseıdiń «Jańalyqtar» agenttigi Ushýlardy basqarý ortalyǵy ókiline silteme jasap habarlady.

«Keme qozǵaltqyshyn iske qosý Máskeý ýaqyty boıynsha saǵat 08:07-de oryn aldy. Olar 7 mınýt 83 sekýnd jumys istep, nátıjesinde Halyqaralyq ǵarysh stansasy ushatyn orbıtanyń ortasha bıiktigi 412,2-den 414,2 shaqyrymǵa deıin ulǵaıdy», - dedi ol.

Atalǵan túzetýler 26 naýryz kúni Baıqońyrdan ushyrylýy josparlanyp otyrǵan «Soıýz TMA-12M» basqarylatyn ǵarysh kemesiniń HǴS-pen túıisýine ońtaıly ballıstıkalyq jaǵdaı jasaý maqsatynda júrgizildi.