Halyqaralyq ESG táýekel-reıtıngi: «QazMunaıGaz» kórsetkishi jaqsardy
Kompanııa óz baǵasyn korporatıvtik basqarýdaǵy bıznes-etıka qaǵıdattaryn kúsheıtý arqyly jaqsartyp otyr. QMG atalǵan reıtıngte turaqty deńgeıin saqtaı otyryp, Sustainalytics agenttigi baǵalaǵan 270 álemdik munaı-gaz kompanııasynyń arasynda úzdik jıyrmanyń ishine kirdi. Sustainalytics agenttigi jańartqan reıtıng týraly tolyq aqparatty silteme arqyly kórýge bolady.
Osyǵan deıin atalmysh agenttik QMG-niń ESG táýekelderin basqarý deńgeıin 28,5 balǵa baǵalaǵan bolatyn.
Kompanııa ESG táýekel-reıtıngin jaqsartyp, bıznesti jaýapty júrgizýdiń halyqaralyq standarttaryna sáıkes, qyzmetkerleriniń damý biliktiligin arttyrýǵa tyrysatynyn aıta ketken jón.
«QazMunaıGaz» UK AQ men enshiles kompanııalary qyzmetkerler arasynda ESG mádenıetin eseleı kele, bıznestiń adam quqyqtary salasyndaǵy áreketterin baqylaý boıynsha oqytý trenıngterine qatysty. Trenıngterdi Qazaqstandaǵy BUU-nyń damý baǵdarlamasy Japonııa Úkimetiniń qoldaýymen uıymdastyrdy. Oqytý barysynda QMG-niń enshiles kompanııalarynyń 25-ten astam qyzmetkeri adam quqyqtary salasynda biliktiligin arttyrdy.