Halyqaralyq energetıka agenttigi munaıdyń álemdik baǵasyna boljam jasady

NUR-SULTAN. QazAqparat - Halyqaralyq energetıka agenttiginiń (HEA) qańtardaǵy esebinde 2022 jyly koronavırýstyń «omıkron» shtamynyń taralýyna qaramastan, munaıǵa suranystyń ósimi kútilip otyrǵannan áldeqaıda artatynyn boljap otyr. Agenttik 2021 jáne 2022 jyldardaǵy munaı suranysynyń ósý baǵasyn táýligine 200 myń barrelge, sáıkesinshe táýligine 5,5 mıllıon barrel jáne 3,3 mıllıon barrelge deıin kóterdi, dep habarlaıdy QazAqparat TASS aqparat agenttigine silteme jasap.

«Álemde koronavırýs juqtyrý oqıǵalarynyń sany jyldam qarqynmen ósýde, biraq úkimetterdiń pandemııany boldyrmaý boıynsha qabyldaǵan sharalar onsha qatań emes, sondyqtan olardyń ekonomıkalyq belsendilik pen munaı tutynýyna áseri álsireıdi», - dep bildirdi pikirin HEA sarapshylary.

Osylaısha, 2021 jyldyń IV toqsanynda munaı suranysy táýligine 1,1 mln barrelge, ıaǵnı boljanyp otyrǵannan 345 myń barrelge jyldam ósken. HEA-da «omıkronnyń» burynǵy nusqalarmen salystyrǵanda juqpalylyǵy joǵary bolǵanyna qaramastan, adamdar úshin óte qaýipti emes ekenin eske salady. Sondyqtan koronavırýstyń bul túri óndiris pen ónerkásiptik protsesterdi toqtatpaıdy, dep sanaıdy vedomstvo.
OPEK+ elderi munaı óndirý shekteýlerin tolyq alyp tastasa,
2022 jyly álemdik munaı óndirisi táýligine 6,2 barrelge arta alady. Bul rette, ósimniń basym bóligi OPEK+ kelisimine kiretin elderden keledi, olar bıylǵy jyly óndiristi táýligine 4,4 mln barrelge qosýy múmkin. Degenmen, bul sonymen qatar qazirgi kezde negizinen Saýd Arabııasy men Birikken Arab Ámirlikterine tıesili álemdegi erkin taý-ken óndirisi qýatynyń qysqarýyn bildiredi, delingen baıandamada.
Al jalpy alǵanda, OPEK-ke kirmeıtin elderdiń munaı óndirisi 2022 jyly táýligine 1,8 mln barrelge artady. Munaı óndirisin qalpyna keltirý jaǵynan AQSh kósh bastaıdy, dep atap ótti HEA sarapshylary.