Halyqaralyq deńgeıde moıyndalǵan ulttyq shekaralar qaıta daýlanbaıdy – Osmonakýn Ibraımov
Alqaly jıynǵa Túrki keńesiniń alǵashqy Bas hatshysy Halıl Akynjy, Túrki keńesi Bas hatshysynyń orynbasary Ómer Kodjaman, Ázerbaıjan Respýblıkasynyń Qazaqstandaǵy tótenshe jáne ókiletti elshisi Rashad Mammadov, Túrkııa Respýblıkasynyń Qazaqstandaǵy tótenshe jáne ókiletti elshisi Ýfýk Ekıdjı, Qyrǵyz Respýblıkasynyń Qazaqstandaǵy tótenshe jáne ókiletti elshisi Jeenbek Kýlýbaev, Frankfýrt ýnıversıtetiniń professory, Reseı ǵylym akademııasy Sibir bólimshesiniń fılologııa ınstıtýtynyń bas ǵylymı qyzmetkeri Irına Nevskaıa jáne ózge de túrkitanýshy ǵalymdar men sarapshylar, qoǵam jáne memleket qaıratkerleri qatysty.
Jıynda onlaın baıandama jasaǵan Qyrǵyz Respýblıkasynyń burynǵy memlekettik hatshysy Osmonakýn Ibraımov memleketter shekarasyna qatysty málimdemelerge pikir bildirdi.
«Qazirgi Eýrazııa keńistiginiń ǵasyrlar boıǵy tarıhyn jáne búgingi kelbetin túrkitildes memlekettersiz elestetý múmkin emes. Álemniń saıası kartasynda bizdiń táýelsiz memleketter paıda bolǵannan bergi otyz jylda, biz olardyń zańdy halyqaralyq quqyq sýbektileri ári álemdik kontekste táýelsiz mádenı-ekonomıkalyq qurylym retinde tolyq qalyptasqandyǵyn batyl túrde aıta alamyz. Qazirgi zamanda halyqaralyq deńgeıde moıyndalǵan ulttyq shekaralardy ótken tarıhtyń daýly málimetterine, ańyzdar men mıfterge súıenip qaıta daýlaýǵa eshkimniń qaqysy joq» dep atap ótti O. Ibraımov.
Túrki dúnıesi Aqsaqaldar keńesiniń múshesi Ádil Ahmetov búgingi konferentsııany kórshiles elderdiń keıbir depýttarynyń sózine oryndy jaýap boldy dep sanaıdy.
«Bul konferentsııa jáne onyń tereń ǵylymı mazmuny halyqtar arasyna iritki salyp, Qazaqstan men Reseı halyqtarynyń dostyǵyna syna qaqqysy keletin túrli sanattaǵy saıası saıqymazaqtardyń jalǵan ári negizsiz áreketterine laıyqty jaýap boldy»,- dep atap ótti Á. Ahmetov.
Sondaı-aq, Túrki Keńesiniń alǵashqy bas hatshysy Halıl Aqynjy «Ótkenniń enshisindegi daýdyń bári tarıhı sanamyzdyń tereń túkpirinde qalýy kerek» dep sanaıdy.
«Álem tarıhyn túrki halyqtarynsyz elestetý múmkin emes. Jahandyq deńgeıdegi ǵylymı jetistikter men mádenı qundylyqtardyń kópshiligi Qytaıdan Jerorta teńizine deıingi keńistikti alyp jatqan bizdiń alyp qurlyǵymyzǵa tıesili. Sonymen qatar, bul aımaqtyń eń iri qaqtyǵystar alańyna aınalǵan da kezderi boldy... Ótkenniń enshisindegi daýdyń bári bizdiń tarıhı sanamyzdyń tereń túkpirinde qalýy kerek jáne keleshegimizdiń kemeldigi úshin odan sabaq ala bilýge tıispiz.
Al búgin tanystyrylǵan Túrki akademııasy ázirlep shyqqan Túrki áleminiń Atlasy bul baǵyttaǵy alǵashqy biregeı basylym bolyp sanalady. Endigi jerde bul atlas bizdiń birinshi bolyp júginetin senimdi tarıhı derekkózge aınalady dep senemin. Túrki akademııasyn osy jetistigimen shyn júrekten quttyqtaımyn»,- dedi H. Akynjy óz baıandamasynda.
Eske sala ketsek, konferentsııada Halyqaralyq Túrki akademııasy «Túrki álemi: tarıhı-mádenı Atlas» jınaǵyn tanystyrdy. Atlas QR Tuńǵysh Prezıdenti – Elbasy Nursultan Nazarbaevtyń alǵysózimen shyqqan jáne áıgili saıahatshylar men jıhankezder jasaǵan kóne kartalar men baıyrǵy babalarymyzdyń mol murasyn kórsetetin mańyzdy málimetterdi qamtıdy.