Halyqaralyq boks qaýymdastyǵynyń reıtıngisinde Qazaqstan 1-orynda tur

ASTANA. QazAqparat – 2023 jylǵy álem chempıonatynan keıin Halyqaralyq boks qaýymdastyǵynyń reıtıngisinde Qazaqstan birinshi orynda keledi. QazAqparat bul týraly Sport Shredıngera Telegram-kanalyna silteme jasap habarlaıdy.

Ekinshi orynda burynǵysha Ózbekstan tur. Úshinshi Reseı keledi. Reıtınginiń tórtinshi pozıtsııasynda Úndistan ornalasqan (áıelder boksynyń arqasynda). TOP-bestikti Kýba túıindep otyr. Al AQSh IBA-den shyqqannan keıin jáne álem chempıonatyn ótkizip alǵan soń 10-ynshy orynǵa quldyrady.

Aıta keteıik, IBA reıtıngisinde halyqaralyq týrnırlerde erler men áıelder komandalary alǵan upaılar qosylady, tipti aldyn ala raýndtaǵy jeńister de eskeriledi. Upaılar sany jarystar deńgeıine baılanysty. Máselen, álem chempıonatyndaǵy altyn medal úshin – 2000 upaı, kúmis úshin – 1700, qola úshin – 1300, tórtinshi oryn úshin 1000 upaı beriledi.

Eske salaıyq, bokstan 2023 jylǵy álem chempıonaty 30 sáýir – 14 mamyr aralyǵynda Ózbekstan astanasy Tashkent qalasynda ótti. Qazaqstan sportshylary 4 altyn, 1 kúmis jeńip aldy. Júldeger boksshylardy Prezıdent Qasym-Jomart Aqordada qabyldady.