Halyqaralyq baıqaýshylar Almatydaǵy saılaý barysyna joǵary baǵa berdi
Daýys berý bastalǵannan beri halyqaralyq baıqaýshylar birneshe saılaý ýchaskelerinde bolyp, saılaý barysyna baǵa berdi.
Vengrııalyq Shandor Kovach Qazaqstanǵa osymen besinshi ret halyqaralyq baıqaýshy retinde kelip otyrǵanyn jetkizdi.
«Men Qazaqstanǵa osymen besinshi ret halyqaralyq baıqaýshy retinde kelip otyrmyn. Buǵan deıingi saılaý sııaqty bul joly da joǵary deńgeıde ótip jatyr. Qazir ótip jatqan saılaý erekshe, óıtkeni ol pandemııaǵa baılanysty óte aýyr kezeńde uıymdastyrylyp otyr. Ýchaskelerde kelýshiler úshin arnaıy kirý jáne shyǵý esigi uıymdastyrylǵanyn kórdik, bul óte jaqsy. Pandemııaǵa qaramastan daýys berýshiler sany kóp bolady degen oıdamyn»,-dedi ol.
Sonymen qatar, ol saılaý barysynda eshqandaı zańbuzylýshylyqty baıqamaǵanyn jetkizdi.
«Ár adam óz quqyǵyn paıdalanyp daýys bergeni durys, daýys berýshiler sany kóp bolǵan saıyn ol nátıjeli bolady. Ózge elder sıqıaty munda da jergilikti baıqaýshylar saılaý barysyn baqylaýda. Oǵan qosa saılaý barysymen tanysýǵa múmkindikter jasalǵan. Saılaý ýchaskesinde qajetti suraqtardy qoıyp, jaýap ala bildik, eshqandaı problema bolǵan joq» ,-deıdi Shandor Kovach.
Norvegııadan kelgen halyqaralyq baıqaýshy Morten Mıdtskog saılaýda karantın sharalary qatań saqtalǵanyn jetkizdi.
«Búgingi saılaý durys uıymdastyrylǵan. Men búgin shamamen bes ýchaskege bardym. Men úshin saılaý barysyn baqylaý qyzyq boldy. Bizdiń Norvegııada da saılaý osy úrdiste júredi. Degenmen, sizderde karantın sharalaryn saqtaýǵa jaqsy mán berilgen. Kelýshiler maska taqqan jáne dene qyzýlaryn tekserip kirgizýde. Joǵary dárejede uıymdastyrlyǵan. Jergilikti atqarýshy organdar jaqsy jumys istegeni kórinip tur»,- deıdi sheteldik baıqaýshy.