Halyqaralyq baıqaýshy úıde daýys berip jatqandar qatarynyń az ekenin aıtty

ASTANA. QazAqparat – Saılaýdyń uıymdastyrylý deńgeıi joǵary bolǵanymen, úıde daýys berip jatqan azamattar qatary az. Bul týraly Elordadaǵy Halyqaralyq baıqaýshylarǵa qolǵabys kórsetý ortalyǵynda ótken brıfıngide Shanhaı yntymaqtastyq uıymy mıssııasynyń baıqaýshysy Gennadıı Semıgın aıtty, dep habarlaıdy QazAqparat tilshisi.

«Saılaýdyń uıymdastyrylý deńgeıi óte joǵary. Árıne, qazir saıası júıe jańǵyryp jatyr. Ásirese, bir mandatty okrýgter boıynsha saılaýǵa túsip jatqandarǵa toqtalaıyn. Saılaýshylar qandaı bir kandıdatty óz aýmaǵynda tańdaıtynyn túsinýi óte mańyzdy. Bul saıası maqsattarǵa qol jetkizýge baǵyttalǵan úlken qadam. Búgin birshama saılaý ýchaskesinde boldyq. Qaıda barsaq ta, barlyq jerdegi uıymdastyrylý deńgeıiniń óte joǵary ekenin baıqap jatyrmyz. Degenmen múmkindiginiń bolmaýyna baılanysty úıde daýys beretin azamattardyń sany az bolyp otyr. Budan saılaýǵa jaýapty adamdardyń jáshikterimen úılerge barý jumysyn tómen qarqynda júrgizip jatqanyn baıqaýǵa bolady», - dep málim etti Grıgorıı Semıgın.

Eske salaıyq, búgin Qazaqstanda Májilis pen máslıhat depýtattaryn saılaý ótip jatyr.

16:00-degi jaǵdaı boıynsha 6 mln 250 myńnan astam azamat daýys berdi.