Halyqaralyq baıqaýshy saılaý protsesine pikir bildirdi

NUR-SULTAN. QazAqparat - Serbııadan kelgen halyqaralyq baıqaýshy Dragomır Karıch Qazaqstanda ótip jatqan prezıdenttik saılaýǵa qatysty pikir bildirdi, dep habarlaıdy QazAqparat tilshisi.

«Saılaý ýchaskesiniń jumysy jaqsy uıymdastyrylǵan, ıaǵnı azamattardyń daýys berýine qolaıly jaǵdaı jasalǵan. Osy tarıhı kúnmen shyn júrekten Qazaqstannyń barlyq azamattaryn quttyqtaımyn. Meniń oıymsha, QR Tuńǵysh Prezıdenti - Elbasy Nursultan Nazarbaev bıyl tarıhı durys sheshim qabyldady, osy oraıda búgin el halqy jańa Prezıdentin tańdap jatyr», - dedi D. Karıch elordadaǵy № 58 saılaý ýchaskesinde.

Sonymen qatar ol bıylǵy saılaýda Qazaqstanda áıel kandıdat qatysýna qatysty pikir aıtty.

«Sizderde saılaýǵa áıel kandıdat (Danııa Espaeva) qatysyp jatyr. Aldaǵy ýaqytta onymen tanysýǵa nıet bildirip otyrmyz. Jalpy, búgingi saılaý mereke sekildi ótip jatqanyn baıqadyq. Sizderde saılaý joǵary deńgeıde uıymdastyrylyp keledi», - dedi halyqaralyq baıqaýshy.

Budan buryn habarlanǵandaı, № 58 saılaý ýchaskesinde QR Parlamenti Senatynyń tóraǵasy Darıǵa Nazarbaeva daýys berdi.