Halyqaralyq baıqaýshy Qazaqstanda ótip jatqan saılaýǵa baǵa berdi

NUR-SULTAN. QazAqparat – Búgingi QR Parlamenti Májilisi jáne máslıhat depýtattaryn saılaý protsesin qazaqstandyq jáne táýelsiz halyqaralyq baıqaýshylar qadaǵalaýda. Solardyń biri Polsha respýblıkasynan kelgen baıqaýshy Qazaqstanda ótip jatqan saılaý týraly pikirimen bólisti, habarlaıdy QazAqparat tilshisi.

«Qazaqstannyń damyp kele jatqan elderdiń biri. Búgin el úshin óte mańyzdy kún. Qazaqstan jańa dáýirdi bastaıdy, sebebi saılaýda 5 birdeı partııa tirkeýden ótti. Jáne adamdar tizimi kóp, bul jańa jaǵdaı. Ózge postkeńestik memleketterge qaraǵanda Qazaqstanda júıe men tártip erekshe baıqalady. Mysalyǵa Ýkraına men Belarýs elderindegi saılaýdy aıtýǵa bolady. Al sizderde júıe men tártip jáne el turaqtylyǵy baqylanady. Sondaı-aq, saılaý protsesin qazaqstandyq emes, odan bólek halyqaralyq baıqaýshylardyń qadaǵalap jatqandyǵyn erekshe aıtyp ótken jón», - dedi Tomash Lents elordada táýelsiz halyqaralyq baıqaýshylardyń qatysýymen ótken baspasóz máslıhatynda.

Aıta ketsek, QR Syrtqy ister mınıstrliginiń málimetinshe, elordadaǵy saılaýdy 225 táýelsiz halyqaralyq baıqaýshy qadaǵalaýda.