Halyqaralyq baıqaýshy: Bul saılaý - Qazaqstan damýynyń jańa kezeńiniń bastaýy

NUR-SULTAN. QazAqparat - Elordadaǵy «Dýman» qonaq úıinde halyqaralyq baıqaýshylardyń saılaý jumysyna qatysty BAQ-na arnalǵan baspasóz máslıhaty ótip jatyr, dep habarlaıdy QazAqparat tilshisi.

«Qazaqstan shamamen 2010 jylǵa qaraı turaqtylyq pen ekonomıkalyq órleýdiń ekinshi kezeńine aıaq basqan bolatyn. Alǵashqy kezeń ol keńestik elden táýelsiz, ózindik damý baǵyty bar elge ótýi. Osy jolǵy saılaýǵa qatysýshy kandıdattar jáne olardyń baǵdarlamasymen tanysa kele, bul saılaý - Qazaqstannyń damýynyń jańa kezeńiniń bastaýy degen oıǵa keldim. Sondaı-aq, biz prezıdenttikke kandıdattarmen de kezdesý ótkizdik. Kezdesý barysynda olar saılaýdyń el erteńi úshin mańyzdy sát bolyp tabylatynyn ańǵartty», - dedi halyqaralyq baıqaýshy, Polsha respýblıkasynyń burynǵy vıtse-premeri ıAnýsh Pehochınskıı.

Sondaı-aq, sheteldik baıqaýshy saılaýdyń ótý protsesine toqtalyp ótti.

«Saılaý aldymen ashyq túrde ótýde. Jáne jumys barysynda eshqandaı zańbuzýshylyqty baıqamadyq. Odan bólek, Qazaqstandaǵy saılaý jumysyn, bizdiń eldiń saılaýymen salystyrdym. Meni taǵy bir tańqaldyrǵany - halyqtyń belsendiligi. Biz tańerteńnen beri 4-5 saılaý ýchaskesinde boldyq. Qaı qaısysyna barsań da daýys berý kabınalary bosamaı jatyr», - dedi ol.

Onyń aıtýynsha, Polshadan barlyǵy 6 baıqaýshy keldi.