«Halyqaralyq baǵdarlamalar ortalyǵy» men «Arna medıa» ulttyq aqparattyq holdıngi» arasynda memorandýmǵa qol qoıyldy

sp;ASTANA. Qarashanyń 25-i. QazAqparat /Rýslan Ǵabbasov/ - Búgin Astanada «Bolashaq túlegi-2009: áleýetti ıgerý» forýmy aıasynda «Halyqaralyq baǵdarlamalar ortalyǵy» aktsıonerlik qoǵamy «Arna medıa» ulttyq aqparattyq holdıngi» AQ-men jáne «Qazaqstannyń Damý Banki» AQ-men memorandýmǵa qol qoıdy,

 dep habarlaıdy QazAqparat.

Atap aıtqanda, bul memorandýmdar «Bolashaq» baǵdarlamasy túlekterin jumysqa ornalastyrýǵa yqpal etetin birlesken sharalar turǵysynda júzege asyrylyp otyr.

 «Halyqaralyq baǵdarlamalar ortalyǵy» AQ-nyń prezıdenti Bektursyn Qaldaevtyń aıtýynsha, bıylǵy jyly 900-ge jýyq «Bolashaq» baǵdarlamasynyń túlekteri oqýlaryn aıaqtap, elge oralady dep kútilýde. Sonymen birge, 2010 jyly da 800-den astam túlek Qazaqstanda jumysqa ornalasýǵa keletin bolady. «Baǵdarlama aıasynda bilim alǵandardyń barlyǵy búginde jumyspen qamtylýda. Olar memlekettik organdarda, ulttyq kompanııalarda, sondaı-aq memlekettiń qatysýymen jasaqtalǵan túrli kompanııalarda qyzmet atqarady», dedi ol.

Bilim jáne ǵylym mınıstrliginiń damý strategııasy departamentiniń halyqaralyq baǵdarlamalar basqarmasynyń bastyǵy Aqerke Abylaıhannyń sózine qaraǵanda, búgingi forýmǵa 300-den astam «Bolashaq» túlekteri jáne 93 jumys berýshi  uıymdarynyń, ulttyq kompanııalardyń, memlekettik organdardyń ókilderi  qatysyp otyr. Forým barysynda jumys berýshilerge baǵdarlama túlekteri jaıly jınaqtalǵan aqparattar taratylady. Sonymen birge  shetelde bilim alyp jatqan stýdentter týraly málimetter de beriledi.

«Atap aıtqanda, osy forým jumys berýshiler men «Bolashaq» túlekteri arasynda baılanys jasaý maqsatynda uıymdastyrylyp otyr», dedi ol.

Shara aıasynda bos oryndar boıynsha kórme ótkiziletin bolady.