Halyqaralyq arenada qazaqstandyq bıznestiń múddesi qalaı qorǵalyp jatyr

NUR-SULTAN. QazAqparat –Mınıstrliktiń basty mıssııasy – saýda dıplomatııasyn qoldana otyryp, otandyq bıznestiń ulttyq múddelerin qorǵaý. Bul týraly Saýda jáne ıntegratsııa mınıstri Baqyt Sultanov aıtty, dep habarlaıdy QazAqparat tilshisi.

«Saýda jaǵynan jolǵa qoıylyp jatqan yntymaqtastyqqa qaramastan halyqaralyq saýdada memleketter protektsıonızm saıasatyna basymdyq berip, ártúrli dárejedegi shekteý sharalaryn engizýge beıim. Bul baǵytta bizdiń mınıstrliktiń basty mıssııasy – saýda dıplomatııasyn qoldana otyryp, otandyq bıznestiń ulttyq múddelerin qorǵaý. Búgingi tańda naqty keıster barshylyq. Máselen, reseılik naryqqa azyq-túlikti tasymaldaýda kedergiler joıyldy («Zenchenko ı K» JShS, «J.F.M. Company» JShS jáne «Aısberg PV» JShS ónimderin tasymaldaýǵa qoıylǵan shekteýdi alyp tastaý). Sol sekildi qazaqstandyq kómirdi Ýkraınaǵa jetkizýde kedergiler eńserilip, eksport kólemin 40 paıyzǵa arttyrýǵa múmkindik týdy», - dedi Baqyt Sultanov atalǵan mınıstrliktiń keńeıtilgen otyrysynda.

Sonymen qatar, Saýda jáne ıntegratsııa mınıstrligi memlekettik organdarmen birlesken jumysty kúsheıtip, osynyń arqasynda AQSh qazaqstandyq ýrandy jetkizýge qoıylǵan kvotany alyp tastaǵan.

«Eki jyldyq talqylaýdan keıin EAEO aýmaǵy boıynsha kedendik poshlına somasyn bólýdiń normatıvti mólsheri boıynsha mámilege keldik. ıAǵnı, halyqaralyq arenada Qazaqstannyń múddesin qorǵaý jumysy jalǵasyn tabady», - dedi ol.