Halyqaralyq agenttik Qazaqstannyń kredıt reıtıngin turaqty dep baǵalady

ASTANA. QazAqparat - S&P halyqaralyq reıtıng agenttigi Qazaqstannyń táýelsiz kredıt reıtıngin «VVV» deńgeıinde, «Turaqty» boljamymen rastady. Bul týraly Ulttyq ekonomıka mınıstrliginiń baspasóz qyzmeti habarlaıdy.

Qazaqstannyń reıtıngin qoldaıtyn negizgi faktor - memlekettiń myqty balansy, sondaı-aq 2022 jylǵa deıingi sarapshylardyń boljamyndaǵy syrtqy qaryzdan asatyn ótimdi aktıvter.

Sarapshylar 2019-2022 jyldary ekonomıkalyq belsendiliktiń ortasha eseppen 3% deńgeıinde ósýin boljap otyr. Bul memlekettik baǵdarlamalarǵa jáne óndirýshi salanyń ósýine baılanysty.

Sondaı-aq, S&P sarapshylarynyń boljamy boıynsha, jańa salyq kodeksiniń arqasynda memlekettik kiris birtindep artady. Salyq kodeksi teńgerimsizdikti azaıtyp, salyq bazasyn ulǵaıta jáne qazynanyń shoǵyrlanýyna yqpal ete otyryp, erekshe jaǵdaılar men artyqshylyqtardy ońńtaılandyrý arqyly kiristerdi molaıtady.

Budan basqa, teńgeniń turaqtandyrylýy, sondaı-aq QR Ulttyq banki ótkizgen túrli sharanyń nátıjesinde ekonomıkany dollarsyzdandyrý jalǵastyrylady.

«Turaqty» boljamy S&P boljamyn aıqyndaıdy: aldaǵy eki jylda memlekettik jáne syrtqy balanstar turaqty bolady.