Halyq jergilikti ákimdikterge senbegendikten, Prezıdent Ákimshiligine hat jazýǵa májbúr – Toqaev

ASTANA. QazAqparat – Prezıdent Qasym-Jomart Toqaev Úkimettiń keńeıtilgen otyrysynda memlekettik organdardyń áleýmettik medıany jeke basynyń qamyna paıdalaný áreketteriniń jeteginde ketetinin synady, dep habarlaıdy QazAqparat tilshisi.

«Taǵy bir mańyzdy másele. Kelip túsken ótinishter nópirimen júıeli jumys uıymdastyrý qajet. Bıyl ǵana memlekettik organdarǵa naqty problemalar men adamdardyń tilekteri aıtylǵan mıllıonnan astam ótinish kelip tústi. Memlekettik organdarǵa ótinish berýdi jeńildetý úshin «E-Otinish» júıesi iske qosyldy.

Taldaý kórsetkendeı, azamattar óz suraqtaryna jaýap taba almaı, Prezıdent Ákimshiligine jazýǵa májbúr. Kóbi «Jergilikti bılik halyqty estigisi kelmeıdi, Prezıdenttiń saıasatyna sabotaj jasaıdy» dep esepteıdi. Sondyqtan búkil memlekettik organdar ótinishtermen asqan jaýapkershilikpen jumys isteýge tıis», - dedi Prezıdent.

«Halyq únine qulaq asatyn memleket» tujyrymdamasyn iske asyrý úshin eń áýeli memleket pen qoǵam arasynda júıeli baılanys ornatý kerektigin eske saldy.

«Memleket júıelik máselelerdi sheship, sıgnaldarǵa tıimdi jaýap berýi kerek. Kóptegen adamdar áleýmettik medıanyń áleýetin ózderiniń jeke múddeleri úshin paıdalanady.

Ókinishke qaraı, memlekettik organdar soynń jeteginde ketip jatady. Bul kóbinese qolda bar resýrstardy utymsyz paıdalanýǵa ákeledi. Bul rette týyndaǵan problemalar sheshilmeıdi», - dedi Qasym-Jomart Toqaev.