Halyq Jańa Qazaqstandy odan ári nyǵaıtý mindetine jumyldy - Baqytjamal Ospanova

ALMATY. QazAqparat- Qazir halqymyz respýblıka Prezıdenti Qasym-Jomart Toqaev aıtqan Jańa Qazaqstandy odan ári nyǵaıtý mindetine jumyldy. Mundaı pikirdi QR Ulttyq kitaphanasynyń dırektory, Qazaqstandyq kitaphana odaǵynyń tóraıymy, mádenıet salasynyń úzdigi Baqytjamal Ospanova aıtty, dep habarlaıdy QazAqparat tilshisi.

Onyń aıtýynsha, Nur Otan partııasy ataýynyń ózgerýi ábden zańdy. Sebebi, bul – el-jurttyń kópten beri oıynda júrgen kókeıkesti másele.

«Qazaqstandyqtar qasiretti qańtardan keıin qabyrǵasyna batqan birqatar problemaǵa jańasha baǵa bere bastady. Sondyqtan bılik basyndaǵy partııa ataýynyń «Amanat» dep ózgerýi qoǵamdaǵy kóptegen tolǵaqty máselelerge jaýap beredi. Sonymen qatar, bul ataý partııanyń san-salaly qyzmetiniń basty baǵyttaryn aıqyndap beredi. Barshamyzdyń maqsatymyz – ata-baba amanaty: ulttyq asyl qasıetterimizdi, keń-baıtaq jerimizdi kózdiń qarashyǵyndaı saqtap, birligimizdi nyǵaıtý»,-deıdi Baqytjamal Ospanova .

Sonymen qatar, ol halyq Jańa Qazaqstandy odan ári nyǵaıtý mindetine jumylǵanyn tilge tıek etti.

Aıta keteıik, 1 naýryz kúni Qasym-Jomart Toqaevtyń tóraǵalyǵymen «Nur Otan» partııasynyń kezekten tys sezi ótti.

Onyń nátıjesi boıynsha partııa ataýy «Amanat» bolyp ózgerdi.