Halyq shaǵymynan soń «Qoı kóterý» saıysynda tiri mal paıdalanylmaıtyn boldy

QOSTANAI. QazAqparat – Sport jarystarynda janýardy paıdalanýǵa qatysty qostanaılyqtar bildirgen narazylyqtan keıin bıyl Naýryz merekesinde ótetin «Qoı kóterý» saıysynda tiri qoı paıdalanylmaıtyn boldy. Bul týraly óńirlik kommýnıkatsııalar qyzmetinde ótken brıfıngide Qostanaı qalalyq ishki saıasat bóliminiń basshysy Qaırat Qazez aıtty, dep habarlaıdy QazAqparat tilshisi.

«Bul jarys túri boıynsha sport bólimi tiri qoıdyń ornyna salmaǵy atalǵan janýarmen shamalas qum salynǵan qapty paıdalaný týraly sheshim qabyldady. Biraq júlde dástúrli formatta qalady. Jeńimpazǵa qoı beremiz», – dep málim etti Qaırat Qazez.

Sonymen qatar ol saıystardyń ótetin orny ózgergenin aıtty.

«Biz buǵan deıin ulttyq sport túrlerinen jarystardy qala ortalyǵynda ótkizetinbiz. Shahar ortalyǵynda ornalasqan saýda nysandary kóp bolǵandyqtan, tıisinshe munda adamdar aǵyny kóbeıedi. Sondyqtan sporttyq saıystar ótetin oryn retinde Baıtursynov kóshesi tańdaldy. Qatysýshylar sporttyń 9 túrinen baq synaıdy», - dedi Qaırat Qazez.