Halyq sany 50 adamǵa jetpeıtin aýyldarda dáriger úıde qyzmet kórsetedi
«Memleket basshysynyń aýyl halqyna medıtsınalyq-sanıtarlyq alǵashqy kómek qoljetimdiligin arttyrý tapsyrmasyn oryndaý maqsatynda bıyl densaýlyq saqtaý uıymdary jelisiniń jańa memlekettik normatıvi bekitildi. Oǵan sáıkes halyq sany 50 adamǵa deıingi eldi mekenderde medıtsınalyq kómekti medıtsına qyzmetkeri úıde qamtamasyz etedi. Buryn aýyldarda mundaı múmkindik bolmaǵan. Halyq sany 50-den 500 adamǵa deıingi eldi mekenderde - medıtsınalyq pýnkt, al halyq sany 500-den 1 500 adamǵa deıingi aýyldarda - feldsherlik-akýsherlik pýnkt ashylady. Bul 3 medıtsına qyzmetkeriniń halyqqa kómek kórsetýine múmkindik beredi» - dedi mınıstr Ortalyq kommýnıkatsııalar qyzmetindegi baspasóz máslıhatynda.
Ajar Ǵınııattyń atap ótýinshe, halyq sany 1 500-den 5 000 adamǵa deıin aýyldarda dárigerlik ambýlatorııalar jáne halyq sany 5 000-nan asatyn aýyldarda medıtsınalyq-sanıtarlyq alǵashqy kómek ortalyqtary ashylady.
«Bul ózgerister aýyl turǵyndarynyń qajet bolǵanda alǵashqy medıtsınalyq kómek alýyna múmkindik beredi», - dedi ol.