Halyq sanaǵyn júrgizýge 30 myń adam jumyldyrylady

NUR-SULTAN. QazAqparat - Jalpyulttyq halyq sanaǵyna 30 myńǵa tarta ıntervıýer jumyldyrylady. Bul týraly memlekettik statıstıka taqyrybyna arnalǵan dóńgelek ústel otyrysynda QR UEM Statıstıka komıtetiniń tóraǵasy Nurbolat Aıdapkelov málim etti, dep habarlaıdy QazAqparat tilshisi.

«Halyq sanaǵy aıasynda 30 myńǵa tarta ıntervıýerdi jaldaıtyn bolamyz. Osy oraıda Eńbek mınıstrligimen birge tıisti buıryq bar, onda jumys isteıtin adamdardyń eńbegin tóleý máseleleri eskerilgen. Jalaqy bıýdjette qamtylǵan jáne osy adamdardy jaldaý sharalaryn óńirlik organdarmen júrgizemiz», - dedi N. Aıdapkelov.

Sonymen qatar ol halyq sanaǵyn júrgizýge tartylatyn adamdarǵa tıisti talaptar qoıylatynyn atap ótti.

«Eger adam qoıylǵan talaptarǵa saı kelse, ony jumysqa alyp, oqytamyz. Osy mamandarmen birge bizdiń qyzmetkerler de bolady, ıaǵnı málimetterge qatysty qajetti salystyryp tekserý jumystaryn júrgizedi. Jaldanatyn adamdardyń eńbekaqysy túrli sanatqa qaraı ózgerip turady, 60 myńnan 85 myń teńge aralyǵynda bolady», - dedi Nurbolat Aıdapkelov.

Budan buryn habarlanǵandaı, jalpyulttyq halyq sanaǵy elimizde 2020 jyly ótkiziledi.