Halyq sanaǵy bastalǵaly baılanys ortalyǵyna 50 myńnan asa qońyraý túsken
Halyq sanaǵyn ótkizý kezinde azamattarmen shuǵyl keri baılanys ornatý maqsatynda qurylǵan ortalyq óz jumysyn 8 qarashada aıaqtaıdy.
27 qazanǵa deıin ortalyq 58455 qońyraýǵa jaýap bergen. ıAǵnı, orta eseppen kúnine 1045 azamat habarlasty.
Bir táýlikte qabyldanǵan qońyraýlardyń sany 1851-ge deıin barǵan.
Táýlik boıy jumys isteý úshin baılanys ortalyǵyna sanaq ótkizý ádistemesi jáne sharaǵa qatysty qoldanylatyn baǵdarlamalarǵa qatysty oqytylǵan mamandar men qosymsha qyzmetkerler jumyldyryldy.
Ortalyq operatorlary úsh aýysymda qyzmet atqardy. Qońyraýlar táýlik boıy kelip túsýde: máselen, 10 qyrkúıekke qaraǵan túni azamattar saǵat 4:44-ke deıin habarlasqan.
Araǵa biraz ǵana ýaqyt salyp, qońyraýlar legi tańǵy 5:32-den bastap aǵylǵan.
Kóbinese baılanys ortalyǵyna júgingen azamattar sanaq.gov.kz saıtyna tirkelý, arnaıy kodty engizý saýaldary boıynsha habarlasty.
Sondaı-aq, sanaqtan ótkeni týraly habarlamany alý merzimderi, halyq sanaǵynyń ádistemesine qatysty suraqtar da jıi túsken.
2021 jylǵy Ulttyq sanaqtyń negizgi kezeńi Qazaqstanda 1 qyrkúıekten 30 qazanǵa deıin ótip jatyr.
Qarashanyń 8-ne deıin sanaq ótkizý ádistemesine sáıkes, naqtylaý sharalary qarastyrylǵan.