Halyq Prezıdent sheshimin qoldaıdy - Nına Vahıtova

QARAǴANDY. QazAqparat - Halyq Prezıdent sheshimin qoldaıdy. Eńbek ardageri, Elbasynyń úzeńgilesi Nına Vahıtova aldaǵy saılaý jóninde osylaı pikir bildirdi, dep habarlaıdy QazAqparat.

«Bıliktiń jumysyna baǵa beretin - halyq. Halyqtyń alańsyz turmys-tirshiligi men men memlekettiń órkendeýi - bılikke júktelgen mindettiń biregeıi. Osyny tolyq sezingen Prezıdent Qasym-Jomart Toqaev Qazaqstan Respýblıkasy Prezıdentiniń kezekten tys saılaýyn ótkizý týraly sheshim qabyldady», - dedi Nına Vahıtova.

Onyń aıtýynsha, kópultty Qazaqstan Elbasy Nursultan Ábishuly Nazarbaevtyń syndarly saıasaty arqyly tatýlyǵynan taımaı, talaı syn-qaterlerge tótep bergen.

«Halyqtyń kókeıindegisin dóp basyp, oń sheshimder qabyldaý arqyly memleketimiz gúldene tústi. Endigi mindet - sara joldan taımaı, álem elderiniń aldynda bedelimizdi odan ary arttyra berý. Ol úshin, álbette, turaqty basshynyń qajet ekeni anyq. Sebebi, eliniń qamyn jeıtin, eli senetin Prezıdentiniń bolýy - qajetti talap. Memleket basshysy Qasym-Jomart Toqaev osy oraıda Elbasymen de aqyldasqanyn aıtady. Mundaı sheshimge birden kelmegeni anyq. Óziniń Úndeýinde óńirlerdi aralaǵanyn, halyqtyń kóńil-kúıin jaqsy biletinin de málimdedi. Demek, Prezıdenttiń bul sheshimi - halyq qamy úshin qabyldanǵan sheshim», - dedi Nına Vahıtova.

Ol aldaǵy saılaýdyń ótkizilýin qoldaıtynyn jetkizdi.

«Birtutas halyqtyń birligin saqtap, yrys-berekesin arttyryp, sara jolǵa nyq senimmen bastaıtyn, halyqtyń tikeleı erkimen saılanǵan Prezıdenttiń bolýy - halqy úshin úlken abyroı. Sol úshin de biz, Qazaqstan halqy, bul taǵdyrly sheshimmen tolyq kelisemiz ári qýana qoldaımyz», - dedi Nına Vahıtova.