Halqynyń sany 3 mıllıonǵa jetetin Astanaǵa monýment kóptik etpeıdi - Nazarbaev

ASTANA. QazAqparat - Búgin Astanada «Uly Dala eli» atty monýmentti saltanatty túrde ashyp bergen Memleket basshysy Nursultan Nazarbaev bolashaqta halqynyń sany úsh mıllıonǵa jetetin elordaǵa monýmenttiń kóptik etpeıtinin málim etti, dep habarlaıdy QazAqparat.

Monýment 2017 jyly bastalatyn Ekspo-2017 kórmesiniń aýmaǵynda ornalasqan. Sondyqtan, Memleket basshysy atap ótkendeı, mıllıondaǵan týrıster  Qazaqstan Táýelsizdigi týraly biletin boldy.

«Qudaı buıyrtsa, Ekspo kórmesin ashqan kezde, dúnıejúzinen mıllıondaǵan týrıster kelip, osy jerde júredi. Sonda, myna monýmentke qarap, Qazaqstannyń táýelsizdigine  25 jyl ekenin esterine  túsirer dep oılaımyn. Ekspo kórmesi  qalanyń bir aýdanyn alyp jatyr. Qalanyń kórkin ózgerteıin dep tur. Bolashaqta halqynyń sany  3 mıllıon adamǵa jetken kezde, halyq kóp baryp, demalatyn oryndar kerek. Dúnıejúzindegi astanalardyń eshqaısysyna mundaı monýment kóptik etpeıdi», - dedi Prezıdent.

Monýmentti salǵan qurylys kompanııasynyń málimetine súıensek, monýment 3 jarym aı ýaqytta salynǵan eken. Monýmenttiń 25 qyry Táýelsizdiktiń 25 jyly týraly syr shertedi. Monýment Antıka mramorynan salynǵan.