Halqymyz ózgeniń basyna túsken jaǵdaıǵa eshqashan beı-jaı qaramaǵan - Prezıdent
«Búginde elimizdiń azamattary muqtaj jandarǵa qol ushyn berýge árdaıym daıyn ekendikterin kórsetip keledi. Arys oqıǵasy - sonyń aıqyn dáleli. Tótenshe jaǵdaı kezinde Qazaqstannyń túpkir-túpkirinen jınalǵan volonterler zardap shekkenderge kómek kórsetti. Qalany qalpyna keltirýge belsene atsalysty. Bizdiń halqymyz ózgeniń basyna túsken jaǵdaıǵa eshqashan beı-jaı qaramaǵan. Buǵan kúndelikti ómirden kóptegen mysal keltirýge bolady», - dedi Memleket basshysy volonterlerdiń «BIRGEMIZ» respýblıkalyq front-keńsesiniń resmı ashylýynda.
Qazaqstan Prezıdenti elimizde qurylǵanyna 10 jyl tolǵan ulttyq volonterlik jeli búginde ómirlik qıyn-qystaý jaǵdaıǵa tap bolǵan kez kelgen azamatqa kómektesýge daıyn myńdaǵan belsendiniń basyn qosyp otyrǵanyn basa aıtty.