Halqymnyń qoldaýy elim úshin qıyn kúnderde maǵan úlken tirek boldy - Elbasy
Búgin elordada ótip jatqan Qazaqstan Táýelsizdiginiń 25 jyldyq mereıtoıyna arnalǵan saltanatty jıynda Prezıdent Nursultan Nazarbaev osylaı aıtty, dep habarlaıdy QazAqparat.
"Sizderdiń árqaısylaryńyz, eńbekterińiz táýelsizdiktiń tuǵyryn nyǵaıtý jolynda maǵan eresen kúsh-qýat berdi. Rııasyz senimderińiz ben sheksiz qoldaýlaryńyz elim úshin tún qatyp, tús qashqan qıyn kúnderde maǵan úlken tirek boldy. Men 25 jyl buryn 1991 jylǵy 10 jeltoqsanda QR Prezıdenti qyzmetine resmı kiriser sátte aıtqan sózim bar edi. «Elim úshin, halqym úshin, Qazaqstanym úshin tarıhtyń qaı synaǵyna da táýekel dep, bas tigýge daıynmyn», degenmin. 25 jyl ótkennen keıingi Táýelsizdiktiń uly toıynda osy sózimdi sol kúıinde qaıtalaǵym kelip otyr", - dedi Prezıdent.
Elbasy týyp-ósken Qazaqstanymyzǵa qaltqysyz qyzmet etýden artyq eshqandaı baqyt joq ekendigin basa aıtty.