Halqyma zor rızashylyǵymdy bildirip, basymdy ıemin - Nursultan Nazarbaev

ASTANA. QazAqparat - Memleket basshysy Nursultan Nazarbaev respýblıkalyq telearnalar arqyly Qazaqstan halqyna arnalǵan málimdemesinde Qazaqstan halqyna alǵys aıtty, dep habarlaıdy QazAqparat tilshisi.

«Osy jyldary ótken barlyq saılaýlarda sizder maǵan senim artyp, bastamalaryma qoldaý bildirdińizder. Maǵan uly halqyma, týǵan jerime qyzmet etý baqyty buıyrdy. Barshańyzǵa, barlyq halqyma zor rızashylyǵymdy bildirip, basymdy ıemin. Osyndaı qoldaýdy, senimdi aqtaý úshin men bar kúsh-jigerimdi, densaýlyǵymdy, ýaqytymdy aıamaı adal qyzmet ettim», - dedi N. Nazarbaev óz sózinde.